Ua Latou Faaaogā le Suafa o le Atua i Aferika Tutotonu

E MATUĀ toʻatele lava tagata i Aferika Tutotonu e talitonu i le Atua. E leai so latou masalosalo iā te ia o Lē na Foafoaina Mea uma. (Faaaliga 4:11) E pei lava o le toʻatele o tagata i isi nofoaga, ae peitaʻi e masani ona latou lē amanaʻia lona suafa totino—o Ieova.

O tagata i Aferika Tutotonu faapea ma isi vaipanoa o le lalolagi e latou te faasino atu i le suafa o le Atua pe a latou faapea mai, “Ia paia lou suafa” i le Tatalo a le Alii. (Mataio 6:9) Ae mo se taimi umi, e toʻaitiiti lava tagata na latou iloa lenā suafa. Ae peitaʻi, i le mavae atu o tausaga, na suia ai e le talaʻiga maelega a Molimau a Ieova manatu o tagata i le faaaogāina o le suafa o le Atua. I aso nei, ua lauiloa ai i le lautele le suafa o le Atua ma ua faaaogāina foʻi i le tele o gagana a Aferika, e pei o le gagana Zulu (uJehova), Yoruba (Jehofah), Xhosa (uYehova) ma Swahili (Yehova). Peitaʻi, o le tele o faaliliuga o le Tusi Paia i nei gagana o loo ʻalofia pea le faaaogāina o le suafa o le Atua.

O se faaliliuga manaia o loo faaaogāina ai le suafa o le Atua, o le Tusi Paia lea i le gagana Zande, o se gagana o loo tautala ai isi vaega o le Malo o Aferika Tutotonu, o Sutana, ma le Malo Faatemokalasi o Kogo. I lenā vaega o le lalolagi, e faaaogā ai e tagata le suafa o le Atua e sipelaina faapea, Yekova i la latou lava gagana. E tusa lava po o le ā le auala o loo faailoa mai ai le suafa o le Atua i se gagana, ae e tāua tele le faaaogāina. Aiseā? Auā “e faaolaina i latou uma o e valaau i le suafa o le Alii [“Ieova,” NW].”—Roma 10:13.

[Faafanua/Ata i le itulau 32]

(Tagaʻi i le lomiga mo le ata atoa)

SUTANA

MALO O AFERIKA TUTOTONU

MALO FAATEMOKALASI O KOGO

[Faamatalaga i Ata]

The Complete Encyclopedia of Illustration/ J. G. Heck