Tanielu ma Lana Pine o le Tauaofiaga

NA AʻOAʻIA e Iesu taʻitaʻi lotu faafiaamiotonu, o ē na feita ina ua latou vaaia tamaiti o vivii i le Atua i luma o le lautele. Na talafeagai le fesili atu o Iesu iā i latou: “Tou te leʻi faitaulia lava ea, Ua e saunia le viiga mai gutu o tama meamea ma tama fesusui?”—Mataio 21:15, 16.

O se tasi o faaaʻoaʻoga o talavou o loo viiaina pea Ieova, o Tanielu lea e ono tausaga, e auai i se faapotopotoga Rusia i Siamani. Na ia auai faatasi ma lona tinā ma lona tuafafine i se tauaofiaga a Molimau a Ieova i Duisburg. O le taimi muamua lea na latou auai ai i se tauaofiaga tele faapea. Na fou mea uma: o le fale talimālō, o le aofia toʻatele, nofo filemu mo aso e tolu, o le papatisoga, faapea ma le tala. Na faapefea ona amioaʻi Tanielu? O lana amio na avea o se faaaʻoaʻoga lelei.

I le Aso Gafua ina ua māeʻa le tauaofiaga, na vave ala ai Tanielu e alu i le aʻoga faataʻitaʻi. Ae o le ā le mea sa mau pea i lona ofu tino? O lana pine na mātaulia ai o ia o se tagata sa auai i le tauaofiaga! Na faamatala e lona tinā iā te ia: “Ua uma le tauaofiaga. Ua tatau loa ona aveese lau pine.” Ae na faapea atu Tanielu: “Ou te manaʻo ia iloa uma e tagata le mea na ou alu i ai, ma iloa mea na ou aʻoaʻoina.” O lea, i le aso atoa i le aʻoga faataʻitaʻi, na ia fiafia pea e faaaogā lana pine. Ina ua fesiligia e lona faiaʻoga e uiga i le pine, na ia faamatala i ai le polokalame o le tauaofiaga.

O le faia faapea, ua faaaʻoaʻo ai Tanielu i le faitau afe o tamaiti ma teineiti, o ē o loo vivii pea iā Ieova i luma o le lautele, a o faagasolo senituri.