Lisi o Mataupu

E fia ni tautoga ua e faia iā Ieova? Tasi, lua, pe sili atu? Po o e tausisi ma le faamaoni i na tautoga, e pei o lau tautoga o le tuuina atu ma le tautoga o le faaipoipoga? Ua faamanatu mai e lenei mataupu faaaʻoaʻoga lelei na faataatia e Iefata ma Hana, a o tatou taumafai ma le faamaoni e faataunuu a tatou tautoga i le Atua.

E masani ona tatou mafaufau i mea o le a aumaia e Ieova i le Parataiso. Peitaʻi, i lenei mataupu, o le a tatou taulaʻi atu i mea o le tafiesea e Ieova. O ā mea o le a tafiesea e Ieova ina ia iai se lalolagi filemu ma fiafia? O le manatunatu i le tali o lenei fesili o le a faamalosia ai lo tatou faatuatua, ma maumauaʻi ina ia tumau.

E ono tofotofoina lo tatou faatuatua, lotomaulalo, ma le faamaoni, pe afai e tatou te manatu e iai se faiga lē tonu o loo tatou fesagaʻia pe mātauina foʻi. O loo talanoaina i nei mataupu ni tala se tolu mai i le Tusi Paia, o le a fesoasoani iā i tatou ina ia iloa ai le silafaga a Ieova e faatatau i le mea e tonu.

E atoatoa Ieova, peitaʻi e fiafia o ia e silasila mai o loo tatou naunau e lagolagoina lana pule silisili ese. O loo taʻua i le Faamasino mataupu e 4 ma le 5, le talisapaia e Ieova o lo tatou agaga tauofo ina ia faataunuu ana faatonuga manino.