Lisi o Mataupu

E itiiti le aogā o le iai o tomai o se tasi pe afai e lē faaaogāina. Ae e manaʻomia le lotomaulalo ina ia faatatauina ai mea ua tatou aʻoaʻoina. O loo faalaeiauina i tatou i lenei mataupu ina ia faatumauina le lotomaulalo, e ala i le faaaʻoaʻo iā i latou i le Tusi Paia na talaʻi atu i so o se ituaiga o tagata, tatalo mo isi, ma faatalitali i le taimi e gaoioi ai Ieova.

I nei taimi faigatā, e faigofie ona faalotovaivaia pe lofitūina i tatou i luʻi o le olaga. Ae e fesoasoani mai Ieova ma Iesu ina ia tatou fesagaʻia na luʻi. Peitaʻi, o i tatou uma lava e iai le tiute tauave e faamāfanafana ma faalaeiau le tasi i le isi. O loo faamatalaina i lenei mataupu le auala e atiaʻe ai e le tasi le isi i le alofa.

O Ieova o le Atua fiafia, ma e finagalo o ia ina ia fiafia ana auauna. Ae e faapefea ona tatou maua le fiafia e ui ina tatou feagai ma luʻi ma faigatā mai i le lalolagi a Satani? I le Lauga i le mauga, na aumaia ai e Iesu ni fautuaga e sili ona aogā i le auala e mafai ai ona tatou maua le fiafia tumau.

I se lalolagi ua faateteleina ai le uiga manatu faapito, e tū ese mai ai le faapotopotoga Kerisiano ona o le faaalia o le alofa. O se tasi o vala o lenā alofa o le faaalia o le magafagafa i isi, lea o le a talanoaina i nei mataupu. I le suʻesuʻega muamua, o le a iloiloina ai pe e faapefea ona faaalia e Ieova le magafagafa i isi. Ae i le suʻesuʻega lona lua, o le a talanoaina ai nisi o auala aogā e mafai ai ona tatou faaaʻoaʻo iā te ia.