Faasilasilaga

● Lomiga e ofo mo Tesema: Laʻu Tusi o Tala o Le Tusi Paia. Ianuari ma Fepuari: So o se tusi tuai e 192-itulau na lomia i tua atu o le 1980 o loo iai i le faapotopotoga. E lelei foi ona taumafai e ave tusi faa-Peretania o loo iai.

● Ona o le tauaofiaga itumalo, e leai se Suesuega Tautusi a le Faapotopotoga ua fuafuaina mo le Aso Lua, Ianuari 1, 1991. E faalagolago i aiaiga o le faapotopotoga, e mafai ona filifili le autoeaina pe fai le Suesuega Tau Tusi a le Faapotopotoga e masani ai i le vaiaso e sosoo ma le tauaofiaga pe fuafua e ufitia le ʻafa o le lesona ua tofia a o lumanai lena taimi ma le isi ʻafa i le vaiaso e mulimuli ane i le tauaofiaga e faaopoopo i lesona mo na vaiaso.

● O le a paʻū le Faamanatuga mo le 1992 i le Aso Faraile, Aperila 17, pe a goto le la. Ua avatu mamao lenei faasilasilaga o le aso mo le faamanatuina o le Faamanatuga i le 1992 ina ia mafai ai e uso ona saunia ni nofoaga talafeagai po o ni fesootaiga mo fale e avanoa pe afai e tele faapotopotoga o loo faaaogāina le Maota o le Malo ma e tatau ona latou sailia nisi fale.

● E tatau i le ovasia taʻitaʻi po o se tasi na te tofia ona sueina tusi a le faapotopotoga ia Tesema 1 po o le vave e mafai mulimuli ane ai.

● E ao i faapotopotoga ona amata talosagaina tuufaatasiga o Le Olomatamata ma le Awake! mo le 1990 i la latou talosaga o lomiga ia Tesema. (Vaai le Watchtower Publications List, palakalafa 6-8, 10.) O le a maua tuufaatasiga i le faa-Holani, Peretania, Falani, Siamani, Eleni, Italia, Iapani, Potukale, ma le faa-Sipaniolo. Seʻi vagana ua maua tuufaatasiga ma faia felauaiga, ona faatoʻā aliali atu lea i le lisi a le faapotopotoga o ni “Oloa Faatalitali.” O tuufaatasiga o ni oloa e talosaga faapitoa.—Vaai le Watchtower Publications List, palakalafa 24 ma le 25.