Autaluga Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Ianuari 7 e oo ia Aperila 22, 1991. Faaaogā se laupepa e tusia ai i lalo tali i le tele o fesili e te mafaia i le taimi faatulagaina.

[Matau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga taitasi o loo i lalo i le Saʻo pe Sese:

1. Ua saunia e otootoga a Iesu ma tusitala faagaeeina o Tusitusiga Kerisiano Eleni se auala tuusaʻo e faavae ai le faakanonaina o tusi taitasi uma o Tusitusiga Eperu. [5, si itu. 300 pala. 9 (lomiga 1983, itu. 299 pala. 9)]

2. O uluai tusitusiga o le Tusi Paia Eperu sa saunia mai i le 1513 T.L.M. e oo ina ua faatoʻā mavae le 443 T.L.M., ae pei lava ona lausilafia, e aunoa ma se tasi o ia uluai tusitusiga o loo iai nei. [7, si itu. 305 pala. 2 (itu. 304 pala. 2)]

3. E ui ina o loo iai i aso nei ni manusikulipi e 6,000 o Tusitusiga Eperu, e aunoa ma se tasi o na tusi e leva atu na i lo le sefulu senituri T.A. [7, si itu. 306 pala. 5 (itu. 305 pala. 5)]

4. I le amataga, sa faaaogāina ai le suafa tauatua i vaega eseese o le Fitugafulu. [8, si itu. 307 pala. 13 (itu. 306 pala. 13)]

5. Na uluai aumaia e le Tusi Paia Falani a Stephanus o le 16 senituri le vaevaeina o le Tusi Paia atoa i mataupu ma fuaiupu. [13, si itu. 318 pala. 19 (itu. 317 pala. 19)]

6. I le taimi e tatala mai ai matagi e fa o le faaumatiaga, e mautinoa ua faaiʻuina le faailogaina o i latou uma o le Isaraelu faaleagaga. E ui ina o le a iai pea nisi i le tino, ae o le a faaatoaina sui uma. (Faaa.7:3) [3, Faitau Tusi Paia faalevaiaso; tagai w 6/1/90 itu. 30 pala. 9.]

7. O loo faatatau le Faaaliga 20:5a i le toetu lautele. [7, Faitau Tusi Paia faalevaiaso; tagai w 1/15/91 itu. 28 pala. 15]

8. E tusa ai ma le Kenese 6:5,6, na salamō le Atua i se isi taimi ona ua ia foafoaina le tagata. [9, Faitau Tusi Paia faalevaiaso; tagai g77 3/22 itu. 27-28.]

9. Ina ua ataata Aperaamo (mulimuli ane o Sara) i le manatu faapea o le a ia maua se atalii i lona tausaga matua, sa lē ataata ona e faatuatua iti e talitonu i ai. (Kene.17:17) [13, Faitau Tusi Paia faalevaiaso; tagai w-E 7/1/89 itu. 21 pala. 15.]

10. Sa tautū Aperaamo faapea e lē tatau ona faaipoipo lona atalii i se tasi o Kanana ona o tagata Kanana e lē ni tagata tapuai o Ieova. (Kene.24:1-4) [15, Faitau Tusi Paia faalevaiaso; tagai w-E 7/1/89 itu. 25 pala. 6.]

Tali fesili ua i lalo:

11. O ā āuga e ao ona oo ia i tatou, i le suesueina o le Tusi Paia ma manatunatu i galuega a le Tausitaimi Sili, o Ieova? [1, si itu. 287 pala. 15 (itu. 286 pala. 15)]

12. O ai le au tusiupu, po o Sofelimi? [9, si itu.310 pala. 17 (itu. 307 pala. 17)]

13. O le ā le tusi o le tulafono (codex)? [11, si itu. 315 pala. 5 (itu. 314 pala. 5)]

14. O le ā le mea sa sili ona saosaolaumea i le faatelega o le tufatufaina o le Tusi Paia talu mai le amataga o le 19 senituri? [15, si itu. 321 pala. 3 (itu. 319 pala. 3)]

15. O ai ua faaataina e le mano o ē tietie solofanua ua faamatalaina i le Faaaliga 9: 16-19? [3, Faitau Tusi Paia faalevaiaso; tagai w 7/15/90 itu. 30 pala. 14,15.]

16. O le ā le uiga o le faaupuga “loto gatasi” i le Faaaliga 17:13? [6, Faitau Tusi Paia faalevaiaso; tagai w 12/1/90 itu. 23 pala. 13.]

17. Sa faapefea ona faafesootaia e le gata i le faatoaga o Etena le faaosoosoga ia Eva? (Kene.3:1) [8, Faitau Tusi Paia faalevaiaso; tagai w-E 9/1/84 itu. 31.]

18. E tatau faapefea ona malamalama i le Kenese 9:5, lea sa fetalai ai le Atua faapea o le a ia “toe tagisia le toto’ mai se manu na te faatamaʻia se tagata? [10, Faitau Tusi Paia faalevaiaso; tagai w-E 10/15/75 itu. 639]

19. Aiseā na tuuina atu ai e Isaako Repeka o sona tuafafine? (Kene.26:9) [16, Faitau Tusi Paia faalevaiaso; tagai w-E 3/1/85 itu. 31 pala. 8.]

Avane le upu po o le faaupuga manaomia e faauma ai faamatalaga taitasi o loo i lalo:

20. Sa atoa “le lua o sefulu o tausaga o Aretaseta” i le tausaga e ․․․․․․․. (Nee.2:1-8) [2, si itu. 291 pala. 18,19 (itu. 290 pala. 18,19)]

21. O le aposetolo mulimuli lava, na maliu e tusa o le 100 T.A., o ․․․․․․․. [3, si itu. 293 pala. 29 (itu. 292 pala. 29)]

22. O le faaputuga, po o le lisi, o tusi ua taliaina e moni ma o se Tusitusiga faagaeeina ua masani ona faatatauina i le ․․․․․․․ o le Tusi Paia. [4, si itu. 299 pala. 5 (itu. 298 pala. 5)]

23. O le vaitaimi e tali amata mai i le fa senituri T.L.M. e oo i le tusa o le ono senituri T.A. sa lauiloa o le tausaga o ․․․․․․․, po o Eleni taatele. [11, si itu. 316 pala. 6 (itu. 314 pala. 6)]

24. O le tusi e sili ona leva o le faitau afe o manusikulipi o loo maua o Tusitusiga Kerisiano Eleni o se vaega o le tusitaai o ․․․․․․․ i le Faletusi o John Rylands i Manchester, i Egelani, ua tauina mai i le tusa o le 125 T.A. [12, si itu. 316 pala. 11 (itu. 315 pala. 11)]

25. O le vaega o le Tusitusiga Kerisiano Eleni o le New World Translation e faavae i le tusi Eleni ua toe teuteuina e ․․․․․․․. [13, si itu. 318 pala. 22 (itu. 317 pala. 22)]

Fili le tali saʻo mai faamatalaga taitasi o loo i lalo:

26. Sa faia le kanona o Tusitusiga Eperu i le faaiʻuga o le (sefulu; lima; lua) senituri T.L.M. [5, si itu. 300 pala. 10 (itu. 299 pala. 10)]

27. O le uluai tusi faamaumau ua lauiloa o le Muratorian Fragment sa tauina mai i le (lua; lima; valu) senituri T.A. [6, si itu. 302 pala. 19 (itu. 301 pala. 19)]

28. O le tusi faavae mo le vaega faa-Eperu o le New World Translation o le (Tusi Paia lona lua faa-Rapi; le uluai tusi a C.D.Ginsburg; o le Biblia Hebraica a Kittel). [10, si itu. 312 pala. 28 (itu. 311 pala. 28)]

29. O le 1902 na umia ai e le Sosaiete o le Olo Matamata aiā, ma lomia toatasi ai, ma faasalalauina le (The Emphatic Diaglott; le Tusi Paia Perea; le American Standard Version).[16, si itu. 323 pala. 10 (itu. 322 pala. 10)]

30. E mautinoa o loo faatatau le “agelu malosi” ia (Kaperielu; Satani; Iesu Keriso faamamaluina). (Faaa.10:1) [4, Faitau Tusi Paia faalevaiaso; tagai w 8/1/90 itu. 10 pala. 3.]

Faafetaui mau o loo mulimuli mai i faamatalaga ua lisiina i lalo:

Kene. 15:1-4; Kene. 21:8-14; Kene. 22:17,18; Faaa. 1:10; Faaa. 14:16

31. Ua maua e tagata suesue i le eleele tulafono i ipu omea e faamaonia ai tu e pei o le avea o pologa ma suli o ulugalii e leai ni fanau. [12, Faitau Tusi Paia faalevaiaso; tagai w-E 10/1/80 itu. 7.]

32. Na faamaeʻaina e Keriso Iesu ma ana agelu le seleseleina o le vaega totoe mai le 1919 ma faasolo mai ai, ae talu mai le vaitaimi o le 1931-1935, ua seleseleina ai pea le motu o tagata e toatele. [5, Faitau Tusi Paia faalevaiaso; tagai w 10/1/90 itu. 31 pala. 23.]

33. O le mea lea na faaataina ai ua faaiʻuina e le Aperaamo Sili lana faiā ma Isaraelu faaletino ona sa teena e Isaraelu Iesu Keriso, le Fanau moni a Aperaamo. [14, Faitau Tusi Paia faalevaiaso; tagai w-E 7/1/89 itu. 21 pala. 16.]

34. O le vaitaimi lenei na amataina i le faapaleina o Iesu o se Tupu faalelagi ma o le a faaiʻuina pe a mulimuli ane tuuina atu e Iesu le Malo i lona Atua ma lona Tamā. [1, Faitau Tusi Paia faalevaiaso; tagai w 2/1/90 itu. 21 pala. 2.]

35. O lenei mea o se feagaiga na faia toatasi. [14, Faitau Tusi Paia faalevaiaso; tagai w 12/1/89 itu. 8 pala. 8,9.]