Faasilasilaga

◼Lomiga e ofo mo Oketopa: Tusiga a lē o le Awake! o Le Olomatamata po o mekasini uma e lua. Novema: Le polosiua “Faauta! Ou te Faia ia Fou Mea Uma Lava.” Tesema: Laʻu Tusi o Tala o Le Tusi Paia. Ianuari: Agaga Paia po o Le Manuia Moni ma Le Saogalemu.

◼E ao i faapotopotoga ona amata talosagaina le Saili i Tusi i Lea Aso ma Lea Aso—1992 faatasi ma la latou talosaga mo lomiga o Oketopa. O le a maua lea tamai tusi i le faa-Arapi, Saina, Croatian, Tenemaka, Holani, Peretania, Finilani, Falani, Siamani, Eleni, Hagakeri, Iloko, Italia, Iapani, Korea, Nouē, Polani, Potukale, Romania, Rusia, Samoa, Sepania, Suetena, Tagalog, Take, ma le faa-Vietinami. Seʻi vagana ua maua ia tamai tusi ma faia felauaiga, o le a faaalia atu pea o ni “Oloa faatalitali” i le lisi o le ota a le faapotopotoga. O tamai tusi Saili i Tusi i Lea Aso ma Lea Aso o ni tusi e talosaga faapitoa.

◼Ua mafai nei ona ofo tusiga mo Le Olomatamata ma le Awake! i le gagana Myanmar (Burmese). O le lomiga o Le Olomatamata i le gagana Myanmar e faalua i le masina, ae o le Awake! i lena gagana e faatasi i le masina.