Faatomuaga ina ia Faalogo mai ai Tagata o Aiga
1 O le ā le vaega e sili ona tāua o lau taulimaga i lea fale ma lea fale? O le toatele o i tatou o le a ioe mai faapea o le faatomuaga. Afai e lē taulau ona e faagaeeina le naunau o lē ona le fale i le uluai 30 sekone po o se taimi faapena, atonu la o le a ia faamutaina le talanoaga.
2 O ā vala e ao ona e iloiloina i le sauniunia o se faatomuaga uigā? Ia iloilo aganuu ma manaoga o tagata tou te ono feiloai. Pe o se tu e masani ai le feofoai o upu mafana, pe ua faatalitalia oe ina ia fana tonu vave i le manatu? E toatele ea ni ulugalii talavou i lou nofoaga? O ā ni mea latou te popole i ai? Pe o manatu mamafa ea tagata o lou pitonuu i faafitauli o loo fesagaʻi ma le fanau lautele a tagata?
E te ono faapogaia i latou e faalogo mai i le faapea atu:
◼ “Talofa. O loʻu igoa ————. O loo oia aʻu ona sa ou faitau e uiga i tagata o loo matelaina ma fasiotia i taua. O faapena ea oe?” O isi fesili e mafai ona fesoasoani e amata ai se talanoaga o: “O le ā le vaifofo i faafitauli o le lalolagi?” “E te manatu ea o iai se tasi e mafai ona faamamāina le lalolagi mai faafitauli o aso nei?” “Seʻi faapea na iai i se taʻitaʻi, ni agavaa e pei ona taʻua i le Isaia 9:6, 7? [Faitau ma faaopoopo i le mau.]”
3 I nisi o oganuu, atonu e sili atu ona popole tagata mo o latou fale ma aiga na i lo mataupu faalekelope e pei o le filemu i le lalolagi.
E te ono faagaeeina le naunau i le fesiligia:
◼ “O le ā le ituaiga o olaga o loo e manatu i ai mo oe lava ma lou aiga i le isi sefulu tausaga? O le vaaiga a le Tusi Paia i le lumanai o se mea e sili ona faalaeiauina ai, ona o loo ia valoia le oo mai o se taʻitaʻi, o lē o le a pule e ala i faatulagaga lelei atoatoa. Matau le mea ua fai mai ai le Isaia 9:6, 7 e uiga ia te ia.”
4 O e alaala ea i se nofoaga o loo avea ai le solitulafono ma le saogalemu ma mataupu o le aso? Atonu o le a fia faalogo mai nisi pe afai e te faaaogāina le uluai faatomuaga i lalo o le “Solitulafono/Saogalemu” i le itulau e 10 o le tusi Reasoning.
E mafai ona e faapea atu:
◼ “Talofa. O loo matou talanoa ma tagata e uiga i le mataupu o le saogalemu totino. E anoanoai solitulafono o loo siomia ai i tatou, ma ua afaina ai o tatou olaga.” Atonu la o le a fesoasoani se fesili e pei “O le ā le vaifofo?” pe “E te manatu ea e iai se tasi e mafai ona faamamāina le lalolagi mai ia faafitauli?” po o le “Seʻi faapea sa iai i se taʻitaʻi, ni agavaa e pei o ia?” e amata ai se talanoaga. Ona e faitauina loa lea o le Isaia 9:6, 7.
5 O i tatou uma lava, e aofia ai tagata talavou o loo iai i tausaga aʻoga, e mafai ona faaaogāina ia taulimaga faigofie e tasi le mau o loo faaaogā ai. O le mea moni, atonu e te fia faataʻitaʻia se tasi o ia taulimaga pe a ofoina mekasini. Ia manatua, o lo tatou sini o le sueina lea o le tele o le naunau o lē ona le fale a o leʻi ofoina i ai lomiga. E te lē ioe ea faapea o sea taulimaga faale-Tusi Paia, o se auala lelei lea e iloa ai pe o faaalia e la tatou tagata faalogologo le naunau moni? Matou te mautinoa e toatele o le a fiafia e faaaogā ia taulimaga ia Ianuari, e lē gata i le ofoina o mekasini ae i le taulimaina o le ofo ua masani ai mo le masina.
6 Afai e te faaaogā ma le uigā le uluai 30 sekone o lau asiasiga, e lē gata i lau amio ae i lau faatomuaga, atonu la o le a e mauaina ai le sini tāua, o le faalogo mai o tagata o aiga.