Ia Tatou Ola ma le Faautauta ma le Amiotonu
1 O loo tatou ola i se lalolagi o loo faapea ona aumaia ai se taaʻiga malosi i amioga faalemataʻu. Ua faaauau pea ona faaleagaina tulaga o lenei faiga o mea. (2 Timo. 3:3) I le avea ma Kerisiano, e tatau ona tatou tutū mo le mea tonu ma ia malamalama i le pogai e tatau ai ona faaauau lo tatou faia faapea. Ae o le ā se faasinoga ma se taʻiala o i ai? O ā tulaga e ao ona tatou mulimuli ai? O le matua faalaeiau ua filifilia mo le polokalama o la tatou aso fono faapitoa mo le tausaga faaleauaunaga o le 1993, o le “Ia Tatou [Ola] ma le Faautauta ma le Amiotonu.”—Tito 2:12.
2 E ala i lauga, faataʻitaʻiga, ma mea tutupu, o le a tatou aʻoaʻoina ai pe mafai faapefea ona tatou faamalosia i tatou lava ina ia tetee atu i le faalemataʻu, ma tineia ai tuʻinanauga faalelalolagi. O le a tatou iloa ai foi le auala e mafai ai ona tatou ola ma le faautauta ma le amiotonu i totonu o lenei faiga amioleaga. O le a faaalia ai sauniuniga e fesoasoani ia i tatou e puipuia ai o tatou malosi faalemafaufau. (1 Pete. 4:7) O le a mananao faapitoa lava mātua ma ē talavou e uaʻi totoʻa atu i lauga ma faatalanoaga i le polokalama o le afiafi. O le a faamamafaina ai le manaoga ina ia mauaina le atamai mai le Atua ma tofo i ai ma galulue faatasi e atiina aʻe se lumanai fiafia faatiokarate.
3 E ui ina o loo siosiomia i tatou i se lalolagi faalemataʻu, ae ua aʻoaʻoina i tatou e le Afioga a le Atua i le ala e sili ona lelei e mulimuli ai. O le a faamatilatilaina aogā o le utagia o fautuaga a le Tusi Paia i le lauga “Olioli i Ou Faamanuiaga i Totonu o se Lalolagi Faanoanoa.” A o tatou sauniuni atu e auai, tatou te mananao e teu i o tatou manatu faapea, o le uaʻi totoʻa atu i le polokalama ma le faatatauina o fautuaga, o le a sili atu ai ona tatou uigā i la tatou auaunaga ia Ieova.—Fili. 3:15, 16.