Faasilasilaga

◼Lomiga e ofo ia Setema: Laʻu Tusi o Tala o Le Tusi Paia. Oketopa: Tusiga o le Awake! po o Le Olomatamata po o mekasini uma e lua. E mafai ona faia tusiga mo le tausaga po o le ono masina, pe a maua ē e naunau moni. E lē o iai se fuafuaga mo le faia o ni tusiga i mekasini e faafā ona lomia i le tausaga. E lē taliaina foi ni tusiga e faia mo le sili atu i le tausaga. FAAALIGA: O faapotopotoga e leʻi talosaga mai mo lomiga o tauiviga ua taʻua i luga, e ao ona faia faapea i la latou Literature Request Form (S(d)-14) o le masina e sosoo ai.

◼E ao i le ovasia taʻitaʻi po o se tasi na te tofia ona suʻeina tusi tupe a le faapotopotoga ia Setema 1 po o le vave e mafai mulimuli ane ai. Fai se faasilasilaga i le faapotopotoga pe a uma ona faia faapea.

◼E ao i tagata talaʻi o loo fuafua e paeonia lagolago ia Oketopa ona vave avatu a latou tusi talosaga. O lena, o le a maua ai e toeaina le avanoa e faia ai ni fuafuaga manaomia mo lomiga ma le oganuu.

◼E faamanatu atu i toeaina ina ia mulimuli e fai le fautuaga i itulau e 21-23 o Le Olomatamata o Aperila 15, 1991, e faatatau i so o se tagata na faateʻaina pe vavaeeseina ia lava, o lē atonu ua manatu e toe faaeaina.

◼I itulau e 103-104 o le Organized to Accomplish Our Ministry, o loo aumai ai se taʻiala i mea atonu e aofia ai i le lipotia o itula i le auaunaga i le fanua. O loo manatu nisi pe mafai ona faitau le taimi o se tagata talaʻi o lē e faaliliu mo se failauga e taulimaina se lauga lautele. Ioe, e mafai e le failauga ma lē e faaliliu, ona faaaofia ai i a la lipoti o le auaunaga le taimi na faaaluina ai.

◼Sa saunia se kopi fou o le Watchtower Publications List ma ua auina atu ni kopi se fa i faapotopotoga taitasi. E ao ona tufatufa atu i le failautusi ma uso o loo vaavaaia tusi, mekasini, ma tupe.