Tala Faatiokarate

Samoa i Sisifo: Na lipotia mai ia Aokuso ni tumutumuga fou e 288 tagata talaʻi, 333 suesuega faale-Tusi Paia ma toe asiga e 2,006. O le iʻuga e 12 pasene le faatelega o le aofaiga atoa o tagata talaʻi mo le tausaga faaleauaunaga o le 1992, ma o le tuufaatatau a tagata talaʻi i faapotopotoga, e 13.5 itula, 11.5 mekasini, 3.8 toe asiga ma suesuega faale-Tusi Paia e .7 mo le tausaga.

Tauaofiaga Itumalo “O Ē Faasusulu Atu le Malamalama”: E lelei tele aofaiga o aofia ma ē na papatisoina sa lipotia mai mo tauaofiaga e tolu ua faia i lenei taimi i le oganuu a la tatou lālā, e pei ona mulimuli mai: Amerika Samoa: 499 ae toʻa 4 na papatiso; Toga: 145 ae toʻa 2 na papatiso; Samoa i Sisifo: 633 (le aofia tuufaatasi mo le faa-Peretania ma le faa-Samoa) ae toʻa 10 na papatiso.

Tuvalu: Na olioli uso i se faatelega e 10 pasene o tagata talaʻi mo le tausaga faaleauaunaga o le 1992 e sili atu ai i le tausaga ua teʻa.

Toga: Sa fiafia uso ina ua maua le faamaoniga mai le Malo e tuuina atu i Molimau a Ieova se fanua mautotogi e 1.5 eka, lea ua fuafua e le Sosaiete ina ia fausia ai se fale mo misionare, se ofisa faaliliu tusi ma se potu tusi atoa ma se Maota o le Malo.