Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Ianuari 4 e oo ia Aperila 19, 1993. Faaaogā se laupepa e tusia ai i lalo tali i le tele o fesili e te mafaia i le taimi faatulagaina.

[Matau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga taitasi o loo i lalo i le Saʻo pe Sese:

1. I le faia o se suesuega faale-Tusi Paia, atonu i nisi taimi e lelei pe a lē taliina uma fesili e tulai mai, ae e lelei pe a tuu nisi fesili e talanoa i ai i le lumanai. [sg itu. 94 pala. 14]

2. O se tasi o sini autū o le Aʻoga o le Faiva Faatiokarate o le fesoasoani lea ia i tatou ia sili atu ona uigā i le faiva i le fanua. [sg itu. 96 pala. 1]

3. I le Aʻoga o le Faiva Faatiokarate, o manatu e ao ona avatu ai se fautuaga, o manatu ia sa muai faailoa atu i le tagata aʻoga ina ia galue i ai. [sg itu. 101 pala. 7]

4. Seʻi oo mai i le taimi nei sa lē lagolagoina e suesuega a tagata i le eleele le tusi o le 1 Tupu. [si itu. 65 pala. 4 (lomiga 1983 itu. 65 pala. 4)]

5. E lē lava i lē na te avatuina fautuaga, le na ona taʻu atu i le failauga faapea ua lelei tele lana lauga pe faapea foi e manaomia ona ia toe galue i le uiga lava lea e tasi. [sg itu. 103 pala. 13 (lomiga 1971 itu. 103 pala. 15)]

6. E masani lava, o le vaivaiga i le avatuina o taulimaga i lea fale ma lea fale o le uumi lea o upu tomua, ma taumānatu ai lē ona le fale po o le ā le taimi o le a taʻu atu ai e le Molimau le autū o lana mataupu. [sg itu. 115 pala. 14]

7. Afai e iai ni mea faaleotele leo a le faapotopotoga, e lē tatau la ona fautuaina le failauga e uiga i lona leo. [sg itu. 117 pala. 6]

8. Pe a avatu se lauga a le tagata aʻoga, o le tāua tele o mānavaga, ua fautuaina ai le failauga ia faailoga le pepa o lana lauga po o lana auivi, vaega faapitoa e ao ona mānava tonu ai. [sg itu. 120-121, pala. 20, 23]

9. Sa matuā lē moni lava valoaga a le aitu vavalo mai Enetoro i so o se itu. (1 Samu. 28:19) [Faitau Tusi Paia faalevaiaso; tagai i le w-E 2/15/79 itu. 6.]

10. O le tala ia Tavita ma Patesepa e ao ona faamamafa atu ai i mātua faapea, e mafai e a latou amio ona matuā āfaina tele ai a latou fanau. (2 Samu. 12:​13, 14) [Faitau Tusi Paia faalevaiaso; tagai i le w 12/1/86 itu. 24.]

Tali fesili o loo i lalo:

11. O le ā tonu lava na lē taulau ai Eli ma Saulo? [si itu. 57 pala. 27 (itu. 57 pala. 27)]

12. Pe a tusia ni tusi, e mafai faapefea ona e faaalia lou naunau i lē o loo e tusi i ai? [sg itu. 89 pala. 13]

13. E mafai faapefea ona tatou tataʻi atu ma le uigā la tatou au faalogologo i le Tusi Paia pe a faia se lauga? [sg itu. 122 pala. 3]

14. O le ā le uiga o le 2 Samuelu 18:8, lea o loo faapea mai: “Ua sili ona toatele o le nuu ua oti i le vao i e na oti i le pelu”? [Faitau Tusi Paia faalevaiaso; tagai i le w-E 3/15/87 itu. 31.]

15. O ai na mafua ai ona faitauina e Tavita le nuu o Isaraelu? (2 Samu. 24:1) [Faitau Tusi Paia faalevaiaso; tagai i le w 11/15/92 itu. 5.]

16. I le 1 Tupu 8:12, aiseā na faapea mai ai Solomona: “Na fetalai mai Ieova, e afio o ia i le [ao] pogisa”? [Faitau Tusi Paia faalevaiaso; tagai i le w-E 7/15/79 itu. 31.]

17. E faapefea ona faamaonia le iai o tagata e pei o le tupu fafine o Seepa i aso nei? (1 Tupu. 10:4, 7) [Faitau Tusi Paia faalevaiaso; tagai i le su itu. 149 pala. 8.]

18. O le ā le faamaoniga mai suesuega i le eleele ua lagolagoina ai le tala o loo i le 1 Tupu 14:25, 26? [Faitau Tusi Paia faalevaiaso; tagai i le ce itu. 212 pala. 31.]

19. O le ā le uiga o le faamatalaga i le 1 Tupu 15:14 o loo faapea mai ‘Sa le’i aveesea e Asa mea maualuluga’? [Faitau Tusi Paia faalevaiaso; tagai i le w-E 12/1/80 itu. 28 faamatalaga i le pito i lalo.]

Avane le upu po o le faaupuga manaomia e faauma ai faamatalaga taitasi o loo i lalo:

20. Pe a tusia se tusi e avatu ai se molimau, ia mautinoa ua faailoa i ai​․․․․․․․ le pito i tua o le teutusi. [sg itu. 87 pala. 7, 8]

21. Ina ia alofia le faaopoopo o manatu lē mautinoa pe a sauni se lauga, e ao ona faaaogā․․․․․․․ a faalagolago i ai. [sg itu. 111 pala. 13]

22. Ina ia taulau le fuafuaga o le lauga, ia aua neʻi sili atu faamatalaga e faaaogā na i lo o​․․․․․․․. [sg itu. 112 pala. 19]

23. Ina ua fai mai le 1 Samuelu 25:37 e uiga ia Napalu e faapea, “ona oti ai lea o lona loto i totonu ia te ia,” o lona uiga sa maua o ia i le maʻi o le​․․․․․․․. [Faitau Tusi Paia faalevaiaso; tagai foi i le w-E 6/15/80 itu. 30.]

24. O le feagaiga o loo faamatalaina i le 2 Samuelu 7:12, 13 o le ​․․․․․․․. [Faitau Tusi Paia faalevaiaso; tagai i le w-E 2/1/89 itu. 14.]

Fili le tali saʻo mai faamatalaga taitasi o loo i lalo:

25. E foliga mai na faauma ona tusia e Ieremia le tusi o 1 Tupu i le (1040; 607; 580) T.L.M. [si itu. 64 (itu. 64)]

26. Na aofia i le tusi e Lua a Samuelu le vaitaimi o le (pe tusa o le 1180-1078; pe tusa o le 1077-1040; 1040-911) T.L.M. [si itu. 59 pala. 3 (itu. 59 pala. 3)]

27. E tatau ona faaalia le faaeteete ia faaaogā i upu tomua na o (mea e fiafia i ai le aofia; mea e te maelega i ai; e aogā i le sini o lau tautalaga). [sg itu. 114 pala. 8]

28. I aso nei, o sa Rafā faaonaponei o (pulega faatautalatasi; taʻitaʻi lotu; Malo Aufaatasi). (2 Samu. 21:20) [Faitau Tusi Paia faalevaiaso; tagai i le w-E 1/1/89 itu. 20 pala. 8.]

29. E tusa ai ma le 1 Tupu 6:1, na amata ona fausia e Solomona le malumalu i le (1037; 1034; 1020) T.L.M. [Faitau Tusi Paia faalevaiaso; tagai i le si itu. 285 pala. 8 (itu. 284 pala. 8).]

30. I le 1 Tupu 18:21-40, o le finauga moni lava, o le po o lē fea atua (e sili ona toatele ona tagata e tuutoina atu i ai; sa lagolagoina e faipule silisili; e ao ona auauna atu i ai). [Faitau Tusi Paia faalevaiaso; tagai i le w-E 7/15/84 pala. 8-9.]

Faafetaui mau o loo mulimuli mai i faamatalaga ua lisiina i lalo:

2 Samu. 1:26; 6:6, 7; 13:14, 15; 1 Tupu 1:1; Epe. 10:23-25

31. Ua iai i tagata taitoatasi le avega tauave e tali ai i sauniga. [sg itu. 92 pala. 7]

32. O faanaunauga lelei e lē suia ai mea ua manaomia e le Atua. [si itu. 63 pala. 30 (itu. 63 pala. 30)]

33. O loo iai se fusi e sili ona malosi o loo autasia ai i le alofa “isi mamoe” ma le vaega totoe. (Ioane 10:16) [Faitau Tusi Paia faalevaiaso; tagai i le w-E 1/1/89 pala. 25-26.]

34. E lē faapea a faailoa atu e se taulealea le alofa loloto mo se teine ma faatauanau e faia ni feusuaiga ma ia, ona faapea ai lea ua ia alofa faamaoni i le teine. [Faitau Tusi Paia faalevaiaso; tagai i le yy itu. 140 pala. 22.]

35. E masani ona faafaigata mo tagata matutua ona maua le mafanafana. [Faitau Tusi Paia faalevaiaso; tagai foi i le g 6/8/82 itu. 22.]