Autaluga o le Aʻoga o le Faiva Faatiokarate
Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Setema 6 e oo ia Tesema 20, 1993. Faaaogā se laupepa e tusia ai i lalo tali i le tele o fesili e te mafaia i le taimi faatulagaina.
[Matau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]
Tali faamatalaga taitasi o loo i lalo i le Saʻo pe Sese:
1. O le tusi o Esera ua aofia uma ai le tala i feutagaiga a Ieova ma tagata Iutaia seia oo mai i le taimi ina ua faapotopotoina uma tusitusiga Eperu. [si itu. 85 pala. 7 (lomiga 1983, itu. 86 pala. 7)]
2. I le amataga lava, sa na o le tasi le tusi sa tuufaatasia ai le tusi o Esera ma Neemia, ma sa taʻua lea tusi o Esera. [si itu. 88 pala. 3 (itu. 88 pala. 3)]
3. Pe a tauaaoina atu se lauga, e sili ona lelei pe a aua neʻi aveave ai lava lou aasa i le lauga atoa. [sg itu. 164 pala. 6]
4. O fuaiupu faaiu o le 2 Nofoaiga a Tupu ua faamaonia ai e faapea o le atoaga o tausaga e 70 e tatau ona faitau mai i le faatafunaina atoatoa o Iuta seia oo atu i le toe faafoisiaina o le tapuaiga mamā i le 537 T.L.M. [si itu. 84 pala. 35 (itu. 84 pala. 35)]
5. O le faia e lē aunoa o ni tali i sauniga o le a fesoasoani ia te oe ina ia e masani lelei ai i le tautala atu i luma o tagata. [sg itu. 183 pala. 14]
6. O le “fafine o le fanauga a Tanu” na faaipoipo atu foi i se tagata o le ituaiga o Tanu. (2 No. 2:14) [Faitau Tusi Paia faalevaiaso; tagai i le w-E 4/15/79 itu. 31.]
7. Ua faaalia i le 2 Nofoaiga a Tupu 16:14 le susunuina o le tino oti o le tupu o Asa. [Faitau Tusi Paia faalevaiaso; tagai i le w-E 7/1/76 itu. 416.]
8. I le Luka 11:51, sa manino le faatatauina e Iesu i le fetogiina i maa o Sakaria le atalii o Ieoiata. (2 No. 24:20, 21) [Faitau Tusi Paia faalevaiaso; tagai i le w-E 3/1/80 itu. 31.]
9. So o se Molimau a Ieova lava na te misia le Faamanatuga, e ao ona latou faamanatuina pe a mavae aso e 30 mulimuli ane. (2 No. 30:2) [Faitau Tusi Paia faalevaiaso; tagai i le w-E 2/15/85 itu. 31.]
10 Sa toe nofoia e tagata Iutaia na faaaunuua, lo latou nuu i “le masina e fitu,” po o le tusa lea o Oketopa 1, 537 T.L.M. (Esera 3:1) [Faitau Tusi Paia faalevaiaso; tagai i le si itu. 283 pala. 29 (itu. 282 pala. 30).]
Tali fesili o loo i lalo:
11. O le ā le tulaga e faavae ai le taimiga saʻo o se lauga? [sg itu. 179 pala. 25]
12. O le ā le malumalu ua silisiliese lona mamalu i lo o malumalu faalelalolagi? [si itu. 87 pala. 16 (itu. 87 pala. 16)]
13. O le ā le fegauiaiga? [sg itu. 160 pala. 11]
14. Aisea e tatau ai ona faamanino atu le faatatauga o se tala faatusa? [sg itu. 169 pala. 10]
15. Afai e ovataimi se failauga, o le a faapefea ona aafia ai ana toe upu? [sg itu. 177 pala. 16]
16. Aisea ua lē sese ai le pueina o ni tatalo e faia i le lautele? (2 No. 33:18) [Faitau Tusi Paia faalevaiaso; tagai i le w-E 1/1/78 itu. 32.]
17. O le ā le igoa ua faaigoa ai e talafaasolopito faalelalolagi Asenapa? (Esera 4:10) [Faitau Tusi Paia faalevaiaso; tagai i le w-E 2/15/88 itu. 28.]
18. Aisea na tutuli faatasi ai fanau a fafine o nuu ese ma o latou tinā? (Esera 10:3, 44) [Faitau Tusi Paia faalevaiaso; tagai i le w-E 1/15/86 itu. 9.]
19. O le ā le tausaga na paʻū i ai le “lua o sefulu o tausaga o Aretaseta”? (Nee. 2:1) [Faitau Tusi Paia faalevaiaso; tagai i le w-E 10/1/92 itu. 11.]
20. Na faapefea ona ‘uigā’ le Tulafono? (Nee. 8:8) [Faitau Tusi Paia faalevaiaso; tagai i le w-E 2/15/86 itu. 26.]
21. O le ā le mea moni e tatau ona iai tala faatusa e faaaogā i se lauga? [sg itu. 171 pala. 20]
Avane le upu po o le faaupuga manaomia e faauma ai faamatalaga taitasi o loo i lalo:
22. Ina ua mavae le faatagataotauaina i Papelonia, ona faatuina lea e le vaega totoe faamaoni o tagata Iutaia, se fata faitaulaga ma ofo atu ai taulaga i le tausaga e ․․․․․․․. [si itu. 85 pala. 3 (itu. 85 pala. 3)]
23. Afai e mafana atu lagona o se failauga i lana aofia, e ao ona faaalia atu i ona ․․․․․․․. [sg itu. 166 pala. 13]
24. Afai tatou te faaaogā ni upu faatiokarate i la tatou faiva, e tāua ona ․․․․․․․ atu o latou uiga. [sg itu. 173 pala. 5]
25. O le fuafuaga autū o toe upu o le ․․․․․․․. [sg itu. 175 pala. 4]
26. E lē tatau i le failauga ona ․․․․․․․i le pulelaa mo le failauga. [sg itu. 186 pala. 26]
27. Ina ia ogatasi ma le 1 Timoteo 3:1, e mafai e uso ona faaavanoaina i latou lava e ala i le ․․․․․․․. [sg itu. 190 pala. 10] (Lava pe a tali tutusa)
Fili le tali saʻo mai faamatalaga taitasi o loo i lalo:
28. Na maeʻa ona tusia e Esera le Nofoaiga a Tupu (pe tusa o le 515; pe tusa o le 460; pe tusa o le 537) T.L.M. [si itu. 79 pala. 1 (itu. 79 pala. 1)]
29. Na auauna Neemia i le vaitaimi o le pulega a le tupu Peresia o (Kuresa; Taseta; Aretaseta). [si itu. 88 pala. 1 (itu. 88 pala. 1)]
30. O le “tausamiga” o loo faatatau i le Tausamiga o (Fale Apitaga; Vaiasosa; Areto Lē Faafefeteina). (2 No. 7:8) [Faitau Tusi Paia faalevaiaso; tagai i le pm itu. 53.]
Faafetaui mau o loo mulimuli mai i faamatalaga ua lisiina i lalo:
2 No. 9:9; 2 No. 19:7; 2 No. 28:16, 20, 21; 2 No. 36:20, 21; Nee. 5:7
31. O le feanumi ma le lē talafeagai i le lalolagi o se matuā lamatiaga lava. [Faitau Tusi Paia faalevaiaso; tagai i le w-E 9/1/85 itu. 30.]
32. Ua faataatia e Ieova lava ia le tapulaa e tusa ai o le vaaiga saʻo i le talia o meaalofa e faatogafalea ai. [Faitau Tusi Paia faalevaiaso; tagai i le w-E 10/1/86 itu. 30.]
33. O le solia tuusao lenei o le tulafono a Ieova o loo taʻua i le Levitiko 25:36 ma le Teuteronome 23:19. [Faitau Tusi Paia faalevaiaso; tagai i le w-E 2/15/86 itu. 25.]
34. O i inei o loo taʻua ai se meaalofa e tusa lona tau ma le $50,000,000. [Faitau Tusi Paia faalevaiaso; tagai i le g87 11/22 itu. 4.]
35. O se tasi o mafuaaga mo le faatagataotauaina o Isaraelu mo le 70 tausaga, ona o le solia o tulafono a le Atua i le Sapati. [Faitau Tusi Paia faalevaiaso; tagai i le g79 9/22 itu. 9.]