Faasilasilaga
◼ Lomiga e ofo ia Ianuari: So o se tusi e 192 ona itulau, na lolomia i pepa ua eena ma matafi lanu, po o so o se tusi na lomia i tausaga e i tua atu o le 1980. O faapotopotoga e lē o maua ai na tusi, e lelei pe a latou ofoina atu le tusi o le Faia o Lou Olaga Faaleaiga ia Fiafia. Fepuari: E Mafai ona E Ola e Faavavau i Parataiso i Le Lalolagi. MĀTAU: O faapotopotoga o le a latou manaomia lomiga ua taʻua i luga mo a latou tauiviga, e ao ona talosagaina nei tusi i le isi o a latou pepa faatumu faalemasina o sosoo mai, le Literature Request Form (S(d)-14). O lomiga tuai faa-Peretania mo le tauiviga ia Ianuari o loo maua i le lālā i Samoa i Sisifo, ma e mafai ona talosagaina e faapotopotoga e lē o maua ni tusi.
◼ E ao i faapotopotoga ona faia ni fuafuaga talafeagai mo le Faamanatuga, lea o le a faamanatuina i lenei tausaga i le Aso Toonai, Mati 26, pe a mavae le goto o le la. E ui ina lelei mo faapotopotoga taitasi ona faia a latou lava Faamanatuga, ae atonu e masani ona lē fetaui lea tulaga. I vaipanoa o loo masani ona faaaogāina ai e le tele o faapotopotoga se Maota o le Malo e tasi, atonu e sili ona lelei i se faapotopotoga po o isi foi faapotopotoga ona faaaogā se isi nofoaga mo lena afiafi. E lē tatau ona tuai amata le Faamanatuga ina neʻi faafaigata ai i tagata fiafia o ē fou mai ona auai. E lē gata i lea, e lē tatau foi ona fepiitai taimi o sauniga ina neʻi leai ai se taimi e feiloai atu ai i mālo i le amataga ma le faaiuga o le faamanatuga, ina ia faia ni fuafuaga mo le faaauauina o fesoasoani faaleagaga mo nisi, po o le feofoofoai ai foi i ni faalaeiauga e masani ai ma tagata e auai. Pe a maeʻa se iloiloga maeaea o manatu uma, e ao i toeaina ona filifilia ni fuafuaga e sili ona fetaui lelei e fesoasoani atu ai i tagata e auai i le Faamanatuga, ina ia mauaina atoatoa aogā mai lenei sauniga.
◼ E amata atu ia Fepuari seia oo ia Mati 6, o le lauga lautele fou mo ovasia asiasi, o le “Le Feoi o Tagata—O Afea o le a Muta Ai?”
◼ O le lauga lautele faapitoa mo le vaitaimi o le Faamanatuga i le 1994, o le a faia i le lalolagi aoao i le Aso Sa, Aperila 10. O le matua o le lauga e faapea “Pe ua Faatoilaloina ea e Lotu le Sosaiete a Tagata?” O le a saunia le auivi mo le lauga. I faapotopotoga o loo faia a latou asiasiga e le ovasia matagaluega, se fonotaga matagaluega, po o se fonotaga mo aso faapitoa i le faaiuga o lena vaiaso, o le a faia la latou lauga faapitoa i le vaiaso e sosoo ai. E lē tatau i se faapotopotoga ona faia le lauga faapitoa a o leʻi oo ia Aperila 10.