Pusa Fesili

◼ O ā feuiaiga e ao ona mulimuli i ai pe a taulimaina se iugafono i le faapotopotoga?

E manaomia se iugafono pe a tatau ona faia se faaiuga e faatatau i mataupu tāua, pei o le faatauina o se fanua, le faafouina po o le fausiaina o se Maota o le Malo, le auina atu o meaalofa faapitoa i le Sosaiete, po o le tausia o tupe faaalu a le ovasia matagaluega. E masani ona sili ona lelei le faamaonia o se iugafono i taimi uma e faaaogā ai faaputugatupe a le faapotopotoga.

Atonu e iai faatagaga i tulaga e aofia ai manaoga faapitoa e fesootai tuusao ma mataupu po o ni gaoioiga tāua. Mo se faaaoaoga, atonu ua faaiuina e le faapotopotoga e foai atu se aofaiga patino i masina taitasi i le Sosaiete, agai i le galuega talaʻi i le lalolagi aoao. E faapena foi tupe faaalu masani a le faapotopotoga, e pei o mea tāua e faaaogā, ma sapalai o mea faamamā, e lē manaomia ai se iugafono.

A iloa se manaoga, e tatau i toeaina ona talanoa maeaea le mataupu. Afai e ioe le toatele e faapea e manaomia ona faia i ai se mea, e tatau i se tasi o le autoeaina, atonu o se sui o le Komiti o le Auaunaga a le Faapotopotoga, ona saunia se iugafono e tusitusia mo le tauaaoina i le Sauniga o le Auaunaga.

O le toeaina o loo avea ma taitaifono e ao ona faamatala puupuu ae manino le manaoga o loo iai, ma le mea ua fautuaina e le autoeaina latou te faia. Ona tuu atu lea i le faapotopotoga le avanoa e siligia fesili e faatatau i ai. Afai e faigata le mataupu, atonu e sili ona lelei le tolopoina o le palota seia oo i le Sauniga o le Auaunaga e sosoo ai, ina ia tuu i tagata uma le taimi e mafaufau e faatatau i ai. O le faia o le palota o le a faaalia lea i le siigalima.

E tapulaa le palotaina o le iugafono i sui papatiso tuuina atu o le faapotopotoga, seʻi vaganā ua faasino mai e manaomia i tulaga faaletulafono, atonu pe a aafia ai mataupu e faatatau i faalapotopotoga po o nonogatupe mo Maota o Malo. O le a lē talafeagai mo ē e asiasi mai isi faapotopotoga ona saosaolaumea i ai.

A maeʻa ona faamaonia le iugafono, e ao ona tuu iai le aso, sainia, ma tuu i le faila a le faapotopotoga.