Ofo le Tusi Talavou
1 O loo tutupu aʻe talavou laiti o aso nei i se lalolagi lē mautonu. E toatele talavou laiti ua sailiili mo tali i le uiga moni o le olaga. Ua matuā ese tulaga o le soifuaga i tausaga e luasefulu pe sili atu ua mavae, a o tutupu aʻe o latou mātua. O faafitauli o talavou i aso nei e eseese foi. Ua iai nei la le mea tatou te manaomia e fesoasoani mai—le tusi fou o Lou Talavou—Mauaina mai ai Aogā Silisili.
2 E ao ona avea lenei tusi o se fesoasoani sili ona lelei i tagata talavou. Ae e manaomia ona latou maua se kopi ma faitau i ai ina ia maua ai aogā. E tatai e lenei tusi tagata talavou i le Afioga a le Atua ma faaalia le auala e mafai ona taulima ai faafitauli o le olaga i le auala saʻo, faamalieina ai le olaga, ma mafai ai foi ona iai tagata i se tulaga faamalieina i luma o Ieova. O le a fesoasoani foi i ē talavou e iloa le finagalo o Ieova i mataupu, ma ia fuataiina o latou loto i ala o manatunatuga o Ieova.—Roma 12:1, 2.
3 O ai e ese mai le au talaʻi talavou e manaomia le tusi Talavou? E mautinoa o le a maua e mātua ma tuaa o mātua lona aogā tele i o latou aiga. E ao ona latou faalaeiau a latou fanau ma fanau a a latou fanau e faitauina totino. E mafai foi ona latou faitau faatasi ma i latou le tusi ina ia maua e le aiga atoa le aogā. Matou te talitonu o le tusi Talavou o le a fesoasoani i le toatele o mātua e faamasani atili ai i faafitauli ua fesagai ma fanau ma talavou laiti i aso nei, ma e ao ona fesoasoani ai i nei mātua i a latou fesootaiga ma a latou fanau. O lea, e mafai ona latou iai i se tulaga e sili ona lelei e fesoasoani ai i a latou fanau ma fanau a a latou fanau i le itu faaleagaga ma i isi mataupu o le olaga.
4 Manatunatu i tagata e te iloa ma ē e mafai ona maua aogā mai lenei lomiga fou. Atonu o ni ou tuaoi po o tauaiga e iai fanau talavou o ē o le a sili ona talisapaia. Atonu e mananao le au talaʻi talavou po o mātua e faaali lenei tusi i faiaoga ma faalaeiau i latou e faitau i ai. E ono fiafia tagata matutua e maua mo tauaiga laiti ma uo. Tatou te olioli uma i le mauaina o lenei lomiga matagofie mo lo tatou faaaogāina totino ma le faaaogāina i le taimi nei i le fanua. Seʻi o tatou fesoasoani i le toatele ia maua aogā mai le tusi Talavou.