Faasilasilaga

◼ O lomiga e faaaogā i a Setema: E Mafai ona E Ola e Faavavau i Parataiso i Le Lalolagi. Oketopa: O le a faatomua kopi o Le Olomatamata ma le Awake! E mafai ona ofo tusiga i toe asiga. Novema: Agaga o Ē ua Maliliu po o le polosiua, Pe a Maliu se Tasi e Pele i a te Oe. Tesema: Laʻu Tusi o Tala o Le Tusi Paia. MATAU: O faapotopotoga e leʻi faia ā latou ota o lomiga ua taʻua i luga mo le ofo ua tatau ona faia loa i le latou Literature Request Form (S(d)-14) faalemasina o loo sosoo ai. Ia faatalosagaina ni mekasini faaopoopo pe afai e manaomia mo le tufatufaina atu i a Oketopa.

◼ E tatau i le ovasia taʻitaʻi po o se tasi ua ia tofia ona sueina tupe a le faapotopotoga i a Setema 1 po o se taimi vave lava o lata ane. Ia faasilasila atu i le faapotopotoga pe a maeʻa ona faia.

◼ O tagata talaʻi o loo fuafua e paeonia lagolago i a Oketopa, e ao ona vave talosaga atu. O lenei itu o le a mafai ai e toeaina ona fai faatulagaga fetaui mo lomiga ma oganuu.

◼ E faamanatu atu i toeaina ina ia tilofaia faatonuga o loo i itulau e 16-21 o Le Olomatamata o Aokuso 15, 1991, e uiga i ni tagata faateaina po o ē ua vavaeesea, atonu ua mananao e toe faaeaina.

◼ O le lomiga o Ianuari 1, 1994, na amata ai ona maua lomiga e taitasi i le masina o Le Olomatamata i le faa-Peresia. E mafai ona faatalosagaina i faapotopotoga kopi mo tagata talaʻi ma tusiga foi mo le tagata lava ia.

◼ O Le Olomatamata i le gagana Cambodia o le a maua ona lomiga e taitasi i le masina, e amata i le lomiga o Setema 1, 1994. E mafai ona faatalosagaina i faapotopotoga kopi mo tagata talaʻi ma tusiga foi mo le tagata lava ia.

◼ O le lomiga o Iulai 8, 1994, na amata ai ona maua lomiga e tailua i le masina mo le Awake! i le faa-Saina, ma ua maua faatasi foi i le taimi tutusa ma le lomiga faa-Peretania.

◼ Ua maua nei i atunuu uma lava Le Olomatamata ma le Awake! i le faa-Saina (le faa-Saina faigofie). Ua lolomiina Le Olomatamata i lanu uma e fa. Ua maua mekasini e tailua lomiga i le masina, ma o le a oo foi ina maua faatasi i le taimi tutusa ma le faa-Peretania. E mafai ona faatalosagaina i faapotopotoga kopi mo tagata talaʻi ma tusiga foi mo le tagata lava ia.

◼ I a Iulai 1994, ua amata ai ona maua lomiga e taitasi i le masina mo Le Olomatamata i le gagana Georgia e lafo mai i le meli.

◼ Ua uma nei ona sauniunia se Watchtower Publications List fou ma ua auina atu kopi e fa i faapotopotoga taitasi. E ao ona tufa atu i le failautusi ma i uso o loo vaaia tusi, o mekasini, ma tupe.