Fesoasoani i le Faatumauina o se Olaga Fiafia Faaleaiga

E toatele na faaalia le fiafia ina ua latou mauaina le tusi Faia o Lou Olaga Faaleaiga ia Fiafia i le 1983. Na tusi mai se tagata e faamatilatila mai le aogā tāua o lenei tusi, i lona faapea mai: “O aʻu o se tasi ua faauu mai i iunivesite, ae ou te taʻutino atu ma le ofo tele, e sili atu ona tele mea ua ou aʻoaʻoina mai i a outou lomiga, na i lo o mea na ou aʻoaʻoina mai i tausaga uma sa ou aʻoga ai. O la outou tusi e sili ona ou fiafia i ai o le Faia o Lou Olaga Faaleaiga ia Fiafia. E leai lava nisi lomiga na mafai ona oo ai se uunaiga uigā faapea i loʻu olaga na i lo o a outou lomiga—ua matuā sili ona fesoasoani ia te aʻu; ma ua ao ai ona ou faafetai tele atu.” E amata ia Iuni 27, 1994, o le a toe suesueina ai i Suesuega Tau Tusi a le Faapotopotoga lenei lomiga matagofie. Ia sauniuni lelei, ma auai e lē aunoa ina ia mafai ai foi e oe ona e maua fesoasoani i le foiaina o ou faafitauli o aso taitasi.