Faasilasilaga

◼ Lomiga e faaaogā i a Fepuari: E Mafai ona E Ola i Parataiso i le Lalolagi. E tatau ona tuliloaina ni tusi na tuu o lenei lomiga i le faia o toe asiga, ma e tatau foi ona faia ni taumafaiga ina ia faia ai ni suesuega faale-Tusi Paia. Mati: Lou Talavou—Mauaina mai ai Aogā Silisili. Aperila ma Me: O mekasini o le Watchtower, Le Olomatamata ma le Awake! Mo oganuu ua galueaiina soo, e mafai ona ofoina so o se polosiua (seʻi vaganā ai le polosiua o Aʻoga). A faaalia mai le naunau o tagata fiafia i taimi e toe asia ai, e mafai loa ona ofoina i ai tusiga. MĀTAU: O faapotopotoga e leʻi faia mai ni a latou ota o lomiga o loo taʻua atu i luga mo le ofo, ua tatau ona faia loa i la latou Literature Request Form (S(d)-14) faalemasina lea o le a sosoo ai.

◼ E ao i le failautusi ma le ovasia o le auaunaga ona autalu galuega a paeonia sauatoa uma. Afai o iai ni mea o faafaigata ai i nisi ona ausia ō latou itula manaomia, e ao i le ʻau toeaina ona fuafua e fesoasoani atu. Mo ni fautuaga, ia autalu tusi a le Sosaiete le (S-201) o Oketopa 1, 1993, ma Oketopa 1, 1992. Ia tagaʻi foi i le palakalafa 12 e oo i le 20 o le faaopoopoga o La Tatou Faiva o le Malo o Aokuso 1986.

◼ O le a faamanatuina le Faamanatuga i le Aso Faraile, Aperila 14, 1995. E ui e ono vave amata le lauga, ae faamolemole o le tufaina atu o le areto ma le uaina o le Faamanatuga, e lē tatau ona amata seʻiloga ua goto le la. Ia siaki i nisi e maua mai ai faamatalaga i le tau i lo outou atunuu po o le ā le taimi e goto ai le la. E leai ni sauniga e faia i le aso lena seʻi vaganā ai le auaunaga i le fanua. Afai e masani ona faia sauniga a la outou faapotopotoga i Aso Faraile, e mafai lava ona sui i se isi aso o le vaiaso pe afai o avanoa le Maota o le Malo.

◼ I le faaiuga o sauniga a le faapotopotoga faapea ma polokalama o fonotaga matagaluega ma fonotaga o aso faapitoa i a Aperila 23, 1995, o le a faia ai se faasilasilaga e faatatau i se galuega faapitoa o le a faia ina ia tufatufaina atu ai se sāvali e fa ona itulau, o loo iai se feau e fetaui lelei ma le taimi nei. O le a faalaeiauina ai le autalai ina ia o latou uai faapitoa atu i tagata loto faamaoni, o ē o loo manatunatu mamafa i faafitauli e faigata ona foia, o loo fesagai ma i latou ma o loo latou sailia se taiala maufaatuatuaina. O tagata talaʻi uma lava, e aofia ai ma ē fou, o le a amata i le auaunaga i le fanua i a Mati, Aperila, ma Me, o le a mananao e faia atoatoa i ai se sao ma lagolagosua i lenei tauiviga faapitoa.

◼ O le autalai e mananao e paeonia lagolago i a Mati, Aperila, ma Me e tatau ona fai nei a latou fuafuaga ma tuuina atu vave a latou talosaga. O le a fesoasoani lenei faiga i le ʻau toeaina e faia ai ni faatulagaga tatau mo le auaunaga i le fanua ma ia lava ni lomiga a le faapotopotoga.

◼ E amata i a Fepuari 1995, ona lē toe taulimaina atu ni vaiinu i tauaofiaga itumalo, i fonotaga matagaluega ma fonotaga o aso faapitoa.