Faasilasilaga

◼ Lomiga e faaaogā a o faagasolo Aperila ma Me: O mekasini o Le Olomatamata, ma le Awake! Mo oganuu ua galueaiina soo, e mafai ona faaaogā so o se polosiua (vagana ai le polosiua o Aʻoga). Pe afai e i ai ni tagata e faaalia le naunau ina ua toe asia, e mafai ona ofoina i ai tusiga. Iuni: “Ia Oo mai Lou Malo.” Iulai ma Aokuso: E mafai ona faaaogā so o se polosiua e 32 itulau o loo mulimuli mai: Po o Silasila Alofa mai ea le Atua ia i Tatou?, Olioli i Le Ola i Le Lalolagi e Faavavau!, “Faauta! Ou te Faia ia Fou Mea Uma Lava,” Pe Ao ona E Talitonu i le Tolutasi?, O le Malo O le a na Aumaia Le Parataiso, ma le Pe a Maliu se Tasi e Pele i a te Oe. MĀTAU: O faapotopotoga e leʻi faia mai ni a latou talosaga o lomiga o loo taʻua atu i luga mo le ofo, ua tatau ona faia loa i la latou Literature Request Form (S(d)-14) faalemasina lea o le a sosoo ai.

◼ E pei ona faasilasila atu muamua, o le Tala o le Malo faapitoa o le a tatalaina i le Aso Sa, Aperila 23, i sauniga a faapotopotoga, faapea ma fonotaga matagaluega ma aso fonotaga faapitoa ua faatulagaina mo na aso. O le tufatufaina o le Tala o le Malo e mafai ona amata loa pe a maeʻa ona tatalaina. E faatatau lenei faaaliga i faapotopotoga UMA lava, e aofia ai ma i latou o ē atonu e manaomia ona suia faasologa o a latou sauniga ona o fonotaga, asiasiga a le ovasia matagaluega, po o isi gaoioiga. O faapotopotoga e faia le lauga faapitoa pe a mavae Aperila 23 e mafai ona tatalaina ma amata ona tufaina atu le Tala o le Malo ia Aperila 24.