Faasilasilaga

◼ Lomiga e ofo ia Iulai ma Aokuso: E mafai ona faaaogā so o se polosiua o polosiua nei e taʻi 32 itulau: Po o Silasila Alofa mai ea le Atua ia i Tatou?, Olioli i Le Ola i Le Lalolagi e Faavavau!, “Faauta! Ou te Faia ia Fou Mea Uma Lava,” Pe Ao ona E Talitonu i le Tolutasi?, O le Malo o le a na Aumaia le Parataiso, ma le Pe a Maliu se Tasi e Pele i a te Oe. Setema: O le tusi, Ola e Faavavau o le a faaaogaina, ma e tatau ona faia ni taumafaiga ina ia amata ni suesuega faale-Tusi Paia i aiga. MĀTAU: O faapotopotoga e lei talosagaina ni a latou lomiga e pei ona taʻua i luga mo le tauiviga, ua ao ona faia loa i le isi a latou talosaga mo le masina o sosoo ai i le Literature Request Form (S-14).

◼ O loo fofogaina atu i le vaitaimi lenei e le ovasia matagaluega le lauga lautele o lona matua e faapea, “Ua Manumalo Aʻoaʻoga Mai le Atua i le Lalolagi Aoao”—o se lauga e taulimaina i ata e faamatilatila ai le Tauaofiaga faapitoa faavaomalo o “Aʻoaʻoga Mai le Atua” na faia i se taimi e lei mamao atu. O le a faaauau pea ona fofogaina atu e ovasia matagaluega lenei lauga seia soo ai faapotopotoga uma i le matagaluega. Pe a uma lena lauga, o le a latou fofogaina atu le lauga “Ia Faatuatua i le Atua o Faamafanafanaga Uma” seia oo i le vaiaso muamua o Mati, lea o le a amata atu ai le faasologa o le isi lauga fou.

◼ Ua saunia e le Sosaiete tuufaatasiga FAA-PERETANIA o le Watchtower mo le 1951 e oo i le 1959. So o se tagata talaʻi fou po o ni faapotopotoga fou e mananao i nei lomiga, e mafai ona talosagaina nei e ala i le faapotopotoga. O nei lomiga o le a lē tumau ona teuina e le Sosaiete. O tuufaatasiga o lomiga o ni mea e talosagaina faapitoa, ma e lē mafai ona teu umiina e faapotopotoga.