Mea e Faamanatu mo le Faamanatuga

O mea nei e manaomia le uaʻi totoʻa i ai a o lei oo i le Faamanatuga i le Aso Lua, Aperila 2:

◼ O tagata uma, e aofia ai ma le failauga, e ao ona iloa le taimi saʻo ma le nofoaga e fai ai le faamanatuga.

◼ E tatau ona sauniunia le ituaiga o areto ma le uaina talafeagai.—Tagai i Le Olomatamata, o Aokuso 1, 1985, itulau 19.

◼ Se laulau talafeagai, se ielaulau, ipumafolafola, ma ipu mo le uaina e ao ona vave aumai i le Maota o le Malo ma faatulaga i o latou tulaga tatau.

◼ O le Maota o le Malo po o isi nofoaga o faia ai sauniga e tatau ona faamamāina lelei a o lei oo i lena taimi.

◼ O ē tautua ma ē tautū e ao ona tofia ma muai faatonuina i le faagasologa lelei o o latou tiute.

◼ E ao ona fuafua e avatu le areto ma le uaina i so o se tasi o le au faauuina o ē ua mamaʻi ma lē atoatoa le malosi ma ua lē mafai ona auai mai.

◼ Afai e sili atu i le tasi le faamanatuga ua fuafua mo le Maota o le Malo lava lena e tasi, e tatau ona galulue faatasi faapotopotoga ina ia alofia le soona tumutumu i le faapaologa, le ala e ui mai ai i totonu, ala savali, ma mea e paka ai taavale.