Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Me 6 e oo ia Aokuso 19, 1996. Faaaogā se pepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga taitasi o loo i lalo i le Saʻo pe Sese:

1. E tusa pe tele pe itiiti mea tatou te mafai ona foai, ae e faale-Tusi Paia le talosaga atu ma le naunau moni mo le faaeaga o le fesoasoani i o tatou uso Kerisiano faamaoni ua matitiva. (2 Kori. 8:1-4) [jv itu. 314 pala. 1]

2. ‘O Koku o Makoku’ o se faasinoga faafaatusa lea i malo o lenei lalolagi. (Eseki. 38:2) [Faitau Tusi Paia faalevaiaso; tagai foi i le w91 8/15 itu. 27 pala. 2.]

3. E pei lava ona avea Aola o le uso matua o Aolipa e pei ona faamatalaina i le Esekielu mataupu e 23, ua avea ai foi i se auala faapena ia faiga faa-Katoliko Roma ma uso matua o faiga faa-Porotesano, ma ua faaleagaina e na faalapotopotoga uma e lua i laua lava e ala i le faia o le mulilua faaleagaga ma faiga faapisinisi ma malo faapolotiki o le lalolagi. [Faitau Tusi Paia faalevaiaso; tagai foi i le w89 4/1 30.]

4. Ua faateleina le aofai o Molimau a Ieova, ua sili mamao atu i lo le aofai o tagata i le tele o atunuu. [jv itu. 278 pala. 3]

5. O Konelio o le uluai tagata Nuu Ese lea na avea ma Kerisiano. [it-1 itu. 513 pala. 3, 4]

6. E ogatusa lelei le Iakopo 4:17 ma le Esekielu 33:7-9, ua faaalia ai o le poto e uiga i mea e manaomia e le Atua mo i tatou, e faaoo mai ai matafaioi e ao ona tatou tali atu ai ia te ia. [Faitau Tusi Paia faalevaiaso; tagai foi i le w 4/1/93 itu. 7 pala. 1.]

7. Na faamaonia e Tanielu ia lava o se perofeta moni e ala i le faamalamalamaina o le uiga o le faatusa i le miti ina ua uma ona faamatala e le tupu o Nepukanesa lea faatusa i le miti ia te ia. [Faitau Tusi Paia faalevaiaso; tagai foi i le Tanielu 2:7-9, 26.]

8. O le vai o loo tafe mai le malumalu i le vaaiga o loo faamatalaina i le Esekielu 47:1 ua fai ma sui o le mana e faamamā ai i le papatisoga. [Faitau Tusi Paia faalevaiaso; tagai foi i le w 5/1/89 itu. 27 pala. 20.]

9. O le faaaoaoga a Palaamo ua aumaia ai se lapataiga i tagata uma o ē faaulumalō ma ē faaauau ona lē amanaiaina le finagalo o le Atua a o pupū atu i le sailia o o latou manuia manatu faapito. (Iuta 11) [it-1 itu. 244 pala. 4]

10. O le failautusi faamaoni a le perofeta o Ieremia na folafola i ai le faasaoina o lona ola i le taimi o le vagaia ma le faaumatiaga o Ierusalema, o Epetemeleka. [it-1 itu. 259 pala. 5]

Tali fesili o loo mulimuli mai:

11. I ā auala na faataitaia ai e Charles Taze Russell lona utagiaina o upu a Iesu e uiga i le sailia muamua o le Malo? (Mata. 6:33) [jv itu. 284 pala. 1]

12. O le ā ua faamaonia moni mai e tauaofiaga a Molimau a Ieova? [jv itu. 254 pala. 2, 3]

13. I ā auala e tatau ai i Molimau faauuina a Ieova ma a latou aumea ona pei o Esekielu? (Eseki. 11:25) [Faitau Tusi Paia faalevaiaso; tagai foi i le w 5/1/89 itu. 16 pala. 3.]

14. Aisea na lē toe faaauauina ai sauniga na fai ese mo ē laiti i le faapotopotoga i le 1938? [jv itu. 246 pala. 1]

15. I ā auala na faataʻitaʻi ai le tupu tamaitai o Atalia i lona tinā o Iesepela? [it-1 itu. 209 pala. 3]

16. O le ā le uiga o le suafa o le Atua o Ieova? [kl itu. 25 pala. 7]

17. Pe a iai se manaoga faaletino i se Kerisiano moni, o ai e iai le tiute tauave muamua o le saunia o le fesoasoani manaomia, ma o le ā le faavae faale-Tusi Paia mo lau tali? [jv itu. 305 pala. 1]

18. O ai na fai ma sui mo Naomi i le faaipoipo ia Poasa i le faaipoipoga lea a se tane i le avā a lona uso ua oti? [it-1 itu. 347 pala. 8]

19. O ai le perofeta na faasino i le lalolagi o se “faataaliolio,” ma o fea i le Tusi Paia o tusia ai lenei mea? [kl itu. 17 pala. 14]

20. O le ā moni le uiga o le saili muamua le Malo? [jv itu. 295 pala. 1]

Avane le upu po o le faaupuga manaomia e faauma ai faamatalaga taitasi o loo i lalo:

21. I le faataunuuga o le Esekielu 21:26, o le malo “maualuga” o ․․․․․․․․ na ‘⁠faamaulaloina’ e ala i le faaumatiaina i le ․․․․․․․․, ma o malo “maulalo” o ․․․․․․․․ na “faamaualugaina,” ma faataga ai e pule i le lalolagi e aunoa ma le faalavelave ane i ai o le ․․․․․․․․ faiata o le Atua. [Faitau Tusi Paia faalevaiaso; tagai foi i le w 5/1/89 itu. 19 pala. 16.]

22. O le vaega o le tusi a ․․․․․․․․ e mautinoa o le ․․․․․․․․ lea na muai tusia, o loo taulai atu i le tauiviga i le pule, a malo malolosi i le gasologa mai o senituri. [si itu. 138 pala. 1]

23. O le faaupuga “o laʻu auauna o Tavita” o loo i le Esekielu 34:23 sa tusia ina ua leva ona mavae le maliu o le ․․․․․․․․; o se faamatalaga faavaloaga ma e faasino atu ia ․․․․․․․․. [si itu. 137 pala. 31]

24. I le va o Ianuari 1946 ma Aokuso 1948, na saunia ai e tagata o Ieova ․․․․․․․․ ma ․․․․․․․․ mo Molimau na nonofo i atunuu e lē itiiti ifo i le 18 ia na aafia i le ․․․․․․․․ . [jv itu. 308 pala. 3, 4]

25. O ni tulaga mataina i le tuputupu aʻe faaleagaga, na oo i ai i le 1931 ina ua tatou maua le igoa ․․․․․․․․ , i le 1935 ina ua faailoaina mai le ․․․․․․․․ , i le 1950 ina ua maua le ․․․․․․․․, ma i le 1962 ina ua faasaʻoina lo tatou malamalamaga e faatatau ․․․․․․․․. [jv itu. 260 pala. 3–itu. 264 pala. 2]

Fili le tali saʻo mai faamatalaga taitasi o loo mulimuli mai:

26. O le mea na tupu ia (Apikaila; Toreka; Tina) ua faailoa mai ai le moni tele o le mataupu silisili o loo i le 1 Korinito 15:33. [it-1 itu. 627 pala. 3]

27. Na faatoilaloina e Kuresa le aai o (Ierusalema; Papelonia; Nineva) e ala i le faatafeeseina o vai o le Vaitafe o (Hitekelu; Ioritana; Eufirate) ina ia mafai ai e ana autau ona ulu atu i le aai. [it-1 itu. 567 pala. 1]

28. O lona igoa o Iosefa, ae ona o lona alofa māfana ma lona limafoai, na iloa ai o ia i le igoa o (Aneterea; Panapa; Patolomaio), o lona uiga o le “Atalii o (Faanoanoaga; Fiafiaga; Faamafanafanaga).” [it-1 itu. 257 pala. 3, 4]

29. O Pelesara, le atalii ulumatua o (Kuresa; Naponita; Nepukanesa), e na o (Esekielu; Tanielu; Isaia) lava o loo ia taʻuaina i faamaumauga o le Tusi Paia, ma ua ioe i ai faamaoniga o suesuega o toegā mea e maua mai le eleele i le saʻo o lea tala e tusa ai ma talafaasolopito. [it-1 itu. 282 pala. 11]

30. O le paʻū o Papelonia sa valoiaina e (Tanielu ma Hosea; Ioelu ma Amosa; Isaia ma Ieremia). [kl itu. 18 pala. 17]

Faafetaui mau o loo mulimuli mai i faamatalaga ua lisiina i lalo:

2 No. 14:2-5; Sala. 78:40, 41; Isa. 55:10, 11; Tani. 1:8, 11-13; 1 Kori. 9:16

31. Ina ia faamamafaina le tāua o le galuega talaʻi, na faalauiloa ai i le Watchtower o le 1949 e faapea: “Ua faia e Ieova le galuega talaʻi ma galuega e aupito sili ona tāua e mafai e so o se tasi o i tatou ona fai i lenei lalolagi.” [jv itu. 292 pala. 4]

32. E lē tatau i Kerisiano talavou ona faatalatu mai le faailoa atu ma le faaaloalo i faiaʻoga ma tamaiti latou te aʻooga faatasi e faapea o le a latou lē faaleagaina lava lo latou loto fuatia ifo faale-Atua. [Faitau Tusi Paia faalevaiaso; tagai foi i le w92 11/1 itu. 14 pala. 17.]

33. O le uluai fuafuaga a le Atua mo tagata ma le lalolagi o le a faataunuuina lava. [kl itu. 9 pala. 10]

34. E teena ma le lototele e auauna faamaoni a Ieova le faaaposetasi ma galulue ma le punouaʻi ina ia faaauilumaina le tapuaiga mamā. [it-1 itu. 183 pala. 11, 12]

35. E iai faalogona o le Atua, ma e aafia ona faalogona i ni filifiliga tatou te faia. [kl itu. 14 pala. 8]