Faasilasilaga

◼ Lomiga mo le Ofo ia Tesema: Le Tagata Silisili o Ē Uma na Soifua Mai. Ianuari ma Fepuari: So o se tusi e 192 itulau na lomia a o lei oo i le 1984 o loo iai pea i le faapotopotoga. O faapotopotoga e lē o toe iai na tusi, e mafai ona ofo le tusi, Lou Talavou—Mauaina mai ai Aogā Silisili. Mati: Le Ala e Maua ai le Fiafia i le Aiga.

◼ E tatau i faapotopotoga ona amata talosagaina tuufaatasiga o le Watchtower ma le Awake! o le 1996 i la latou ota o lomiga ia Tesema. (Tagai i le Watchtower Publications List, palakalafa 6-8, 10.) O le a maua tuufaatasiga i le gagana, Eleni, Iapani, Italia, Falani, Peretania, Polani, Potukali, Saina, Sepania, Siamani, Take, Holani, Korea, Romania, Rusia, ma Croatia. O le a faailoga atu pea i le lisi mo ota a le faapotopotoga, “Faatali” seiloga ua maua mai nei mea ma amata ona aauina atu i vaa. O tuufaatasiga o ni mea e talosagaina faapitoa.

◼ E ao i le ovasia taʻimua po o se tasi na te tofia ona suʻe tusi a le faapotopotoga ia Tesema 1 po o se vave e mafai ai mulimuli ane. Ia faasilasila atu i le faapotopotoga pe a uma ona faia faapea.

◼ O le Faamanatuga mo le 1998 o le a paʻū i le Aso Toonai, Aperila 11, pe a goto le la. Ua faia mamao atu lenei faasilasilaga o le aso e faamanatuina ai le Faamanatuga mo le 1998, ina ia mafai ai e uso ona faafesootai ni fale e avanoa, pe afai e tele ni faapotopotoga o loo faaaogaina le Maota o le Malo e tasi, ma e tatau ona latou sailia nisi fale.

◼ Ona o le tāua o le sauniga, e tatau ai i le ʻau toeaina, pe afai latou te tofia se failauga mo le Faamanatuga, ona filifilia se toeaina mai toeaina ua tele atu so latou agavaa, nai lo le tau ina feauauai pe faaaogā lava le uso lea e faaaogā pea i tausaga taitasi.

◼ Lomiga Fou ua Maua:

Auala e Faaleleia ai Lou Tomai i le Tautala ma le Aʻoaʻo Atu—faa-Samoa