Autaluga o le Aʻoga o le Faiva Faatiokarate
Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Ianuari 5 e oo ia Aperila 20, 1998. Faaaogā se pepa e tusia ai i lalo tali i le tele o fesili e te mafaia i le taimi faatulagaina.
[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]
Tali faamatalaga nei i le Saʻo po o le Sese:
1. I le Galuega 15:29, o le faaupuga “Ia outou manuia” sa o se folafolaga lea e faapea, ‘Afai tou te taumamao mai le toto po o le faitaaga, o le a outou maua ai se soifua maloloina lelei.’ [Faitau Tusi Paia faalevaiaso; tagai i le w 10/15/91 itu. 9 pala. 7 faaopoopoga i le pito i lalo.]
2. O le manatu mamafa tele mo le lelei faaleagaga o Kerisiano i Korinito na uunaia ai Paulo e tusia lana uluai tusi ia i latou a o faagasolo lana malaga faamisionare lona lua. [si itu. 210 pala. 3]
3. E ui na faamaonia mai e Iosefatu lona avea o se tupu sa faalagolago atu ia Ieova, ae na ia faia ma le lē atamai se feagaiga tau faaipoipoga ma Aapo. [it-1 itu. 1271 pala. 11; itu. 1272 pala. 1]
4. O le upu “simone,” lea e maua mai le mea na tupu o loo faamauina i le Galuega 8:9-24, e faasino atu i le faiga o mea faataulaitu. [Faitau Tusi Paia faalevaiaso; tagai i le w 10/1/90 itu. 17 pala. 8.]
5. I le Roma 8:6, 7, o la le “tino” o loo faatatau atu i lo tatou tulaga augavale o ni tagata lē lelei atoatoa ua tuufaasolo mai i ai faanaunauga agasala. [Faitau Tusi Paia faalevaiaso; tagai i le w 7/1/91 itu. 16 pala. 4.]
6. Ina ia ogatusa ma le Efeso 5:33, o le iai o le faaaloalo loloto o se avā mo lana tane e lē uiga ai faapea, o le a lē mafai ona ia faaleo atu ona manatu, ae maise pe afai o se mea o faaletonu ai lona mafaufau. [kl itu. 144 pala. 12-13]
7. O Ietero, le ositaulaga a Mitiana, o ia lea na fautuaina atu ia Mose le faiga o le faasafua atu o le pule. [it-2 itu. 73 pala. 2]
8. E pei lava o le fuafuaga a le Atua ina ia aumaia tagata o Nuu Ese i totonu o le faapotopotoga sa faatoʻā malamalama lelei i ai le au aposetolo ina ua iloa le mea sa tupu moni e faataunuu ai le valoaga, ua faapena foi ona ioeina e Molimau a Ieova o loo fetuutuunai lo latou malamalamaga i nisi o mataupu, a o saunia mai e le Atua se malamalamaga faasolosolo i luma. [jv itu. 629 pala. 4-5]
9. I le Galuega 20:20, o le faaupuga “i lea fale ma lea fale” ua faasino atu i na o asiasiga faaleoleo mamoe i aiga o uso talitonu auā ua faaalia e faamatalaga o loo siomia ai faapea sa faasino atu upu a Paulo i toeaina o le faapotopotoga. [Faitau Tusi Paia faalevaiaso; tagai i le w 5/15/91 itu. 17 pala. 5.]
10. Afai tatou te toleniina o tatou loto e sapaitalia mea faaleagaga, ma tatalo mo le agaga o le Atua e fesoasoani mai ia i tatou i lenei itu, ona tatou alofia ai lea “o le loto i la le tino.” (Roma 8:6, 7) [Faitau Tusi Paia faalevaiaso; tagai i le w 7/1/91 itu. 16 pala. 5.]
Tali fesili ia o loo mulimuli mai:
11. O le ā le tala o loo i le tusi o Galuega e faaalia ai e lē lava le na ona mauaina o le Afioga a le Atua ma le faitauina totino ina ia maua ai le poto saʻo e savali ai se tasi i le ala i le ola? [Faitau Tusi Paia faalevaiaso; tagai i le w 1/1/92 itu. 14 pala. 16.]
12. O le ā ua faaalia mai e le mea moni na tusia e Paulo faapea: “O pule uma lava o loo fai nei, ua faatuina e le Atua”? (Roma 13:1) [kl itu. 131 pala. 7]
13. I le Galuega 11:26, aisea ua faaaogā ai e le New World Translation le faaupuga ‘na taʻua foi o Kerisiano e ala i le taʻitaʻiga tauatua,’ ae i isi faaliliuga o le Tusi Paia e lē o aofia ai le manatu o le “taʻitaʻiga tauatua”? [Faitau Tusi Paia faalevaiaso; tagai i le w 10/1/90 itu. 19 pala. 19.]
14. O le ā le talitonuga mausali o Molimau a Ieova ua uunaia ai i latou ina ia avea o ni tagata maelega e talaʻi atu ma tufatufa atu le Tusi Paia? [jv itu. 603 pala. 3]
15. O le ā le ituaiga o suesuega totino o loo faalaeiauina mai i le Galuega 17:11? [si itu. 205 pala. 38]
16. I lana tusi atu i Kerisiano i Roma, o le ā na matuā faamamafa e Paulo e faatatau i tagata Iutaia ma tagata e lē o ni Iutaia? [si itu. 206 pala. 2]
17. E tusa ai ma le Roma 12:2, o le ā le telē ua suia ai uiga totino o Kerisiano e le mana o le Afioga a le Atua? [Faitau Tusi Paia faalevaiaso; tagai i le w 8/1/90 itu. 28 pala. 3.]
18. O le ā le “mealilo paia” na taʻua e Paulo i le Roma 11:25, NW? [Faitau Tusi Paia faalevaiaso; tagai i le w-E 8/15/83 itu. 16 pala. 16.]
19. Aisea o se mea saʻo ai mo le faapotopotoga Kerisiano le faateʻa ese o ni tagata e faia mea sese ma le lē salamō? (1 Kori. 5:11, 13) [Faitau Tusi Paia faalevaiaso; tagai i le g-E 9/8/96 itu. 27 pala. 2-3.]
20. O le a faapefea i le faafaupuʻe atu o malala ola i le ulu o se fili ona fesoasoani ia te ia e faatoilalo ai le leaga? (Roma 12:20, 21) [Faitau Tusi Paia faalevaiaso; tagai i le g-E 1/22/86 itu. 6 pala. 5.]
Tuu ane le upu, ni upu po o se fasi fuaiupu manaomia e faauma ai fuaiupu nei:
21. Na faamatala atu e Filipo i le eunuka Aitiope le auala na faataunuuina ai le valoaga a le ․․․․․․․․ ma ina ua malamalama lenei tagata, ona ia talosaga atu ai lea ma le loto maulalo ina ia ․․․․․․․․. (Galu. 8:28-35) [si itu. 204 pala. 33]
22. Ina ua faia se finauga i le mataupu o le ․․․․․․․․ ona faamaonia atu lea e ․․․․․․․․ lona manatu e ala i le faapea atu: “Ua ʻau faatasi foi ma lenei mea upu a le au perofeta, pei ona tusia.” (Galu. 15:15-18) [Faitau Tusi Paia faalevaiaso; tagai i le si itu. 204 pala. 33.]
23. O le folafolaga a Isaia faapea o le a tu mai “le Pogai o Iese” e fai ma “tagavai o le nuu” ma o le a “saili” ia te ia nuu ese, ua faataunuu atu ia ․․․․․․․․. (Isa. 11:10) [it-2 itu. 51 pala. 13]
24. E tusa ai ma le tala faatusa a Paulo i le laau o le olive faafaatusa i le Roma mataupu e 11, e pei ona tupuga mai ituaiga e 12 o Isaraelu mai ia Aperaamo e ala ia Isaako, ua faapena foi i ituaiga faafaatusa e 12 o le ․․․․․․․․ ona tupuga mai ia ․․․․․․․․ e ala ia ․․․․․․․․. [Faitau Tusi Paia faalevaiaso; tagai i le w-E 8/15/83 itu. 16 pala. 15.]
25. O Iulai 1917, ina ua mavae le maliu o Russell, na tatalaina ai e le Sosaiete o le Olo Matamata le tusi ․․․․․․․․, o loo faamatalaina ai le ․․․․․․․․ ma le ․․․․․․․․ faapea ma ․․․․․․․․. [jv itu. 647 pala. 2]
Fili le tali saʻo i faamatalaga ia o loo mulimuli mai:
26. I lana lauga o loo i le Galuega mataupu e 17, ua taʻua ai ma le faautauta e Paulo le (pule silisili ese; amiotonu; alofa) o le Atua soifua. [Faitau Tusi Paia faalevaiaso; tagai i le si itu. 204 pala. 37.]
27. Na avatu e (Paulo; Peteru; Luka) se faamālō mafana i tagata o (Perea; Maketonia; Ierusalema), i le taʻua o i latou o ē “ua sili ona amio lelei.” (Galu. 17:11) [Faitau Tusi Paia faalevaiaso; tagai i le w 5/1/95 itu. 14 pala. 3.]
28. O le pepelo, po o mea sese, ia o loo taʻua i le Roma 1:25 e faasino atu i le (ifo i tupua; faiga lē mamā faaleituaiga; le masaniga o le pepelo). [Faitau Tusi Paia faalevaiaso; tagai i le it-2 itu. 245 pala. 2.]
29. I le 1878, na fetaiai ai C. T. Russell ma ana aumea ma se tofotofoga tele o lo latou faatuatua ma le faamaoni atu i le Afioga a le Atua. Sa faaautū le mataupu i (le matauliaina o le “auauna faamaoni ma le mafaufau”; le faatasi mai lē vaaia o Iesu; le aogā faataulaga o le tino ma le toto o Iesu). [jv itu. 619 pala. 3]
30. Na tusi e Paulo lana uluai tusi i uso i Korinito a o iai i (Roma; Efeso; Korinito) i le tusa o le tausaga e (52; 55; 56) T.A. [si itu. 210 pala. 3]
Faafetaui mau ia o loo mulimuli mai i faamatalaga o loo lisiina i lalo:
Sala. 73:28; Faata. 24:3; Isa. 65:13; Galu. 10:34, 35; 2 Kori. 12:7-9
31. I lo tatou avea o ni auauna a Ieova, e ao ai ona tatou manatu i tagata o ituaiga uma e pei ona silasila i ai o ia. [Faitau Tusi Paia faalevaiaso; tagai i le w-E 5/15/88 itu. 16 pala. 6.]
32. Ua saunia e le Tusi Paia mataupu silisili ua pei o ni meafaigaluega e mafai ai e se tasi ona faaaogaina e atiina aʻe ai se aiga fiafia. [kl itu. 140 pala. 3]
33. O i latou o ē faalatalata atu ia Ieova e olioli i le fiafiaga moni ma le filemu o le mafaufau. [kl itu. 151 pala. 3]
34. I le faagasologa o talafaasolopito, ua aumaia ai e Ieova meaʻai faaleagaga i ona tagata i le avea o i latou o se vaega. [kl itu. 162 pala. 6]
35. Atonu e faataga e Ieova le faaauau pea o se tulaga faigata e tupu mo sina taimi, peitai e tali mai lava o ia i tatalo ma na te silafia foi le taimi e sili ona talafeagai e faia ai faapea. [kl itu. 156 pala. 15]