Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Me 4 e oo ia Aokuso 24, 1998. Faaaogā se pepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga nei i le Saʻo po o le Sese:

1. E tusa ai ma faamaumauga a le Tusi Paia, e faatolu ona asiasi atu Paulo i Korinito. [si itu. 214 pala. 3]

2. O laasaga e taʻitaʻia atu ai i le papatisoga faa-Kerisiano e amata mai i le ave i fale le poto saʻo e uiga ia Ieova le Atua ma Iesu Keriso. [kl itu. 173 pala. 7]

3. O le uiga o le Efeso 5:13 e faapea o faiga faalelalolagi ua iloa ai le agasala e pei ona iai moni lava pe a vaai i ai e tusa o le malamalamaga o le Afioga a le Atua. [Faitau Tusi Paia faalevaiaso; tagai i le it-2 itu. 254 pala. 3.]

4. Tatou te maua le ola ona o se totogi i le auauna atu ia Ieova le Atua. [kl itu. 182 pala. 4]

5. O le mau i le Kalatia 5:26 ua faasaina ai mo Kerisiano moni taaloga uma lava e faatauvā. [Faitau Tusi Paia faalevaiaso; tagai i le g-E 12/8/95 itu. 15 pala. 8.]

6. E ui sa lototele o ia e talosaga atu na te aveina le tino o Iesu ina ia tuu i se tuugamau, ae sa tatau ia Iosefa le Arimataia ona manumalo mai lona fefe i tagata Iutaia lē talitonu. [it-2 itu. 112 pala. 8]

7. O le tusi i uso i Filipi sa tusia e Paulo i le na o ni masina talu ona mavae lona faavaeina o le faapotopotoga i Filipi, ma na uunaia le tusia ona o faafitauli matuia na tutupu aʻe ia i latou. [si itu. 224 pala. 3]

8. O Iesu “na taʻuamiotonuina i le agaga,” e pei ona taʻua i le 1 Timoteo 3:16, e ala i le tauia i le ola faaleagaga i lona toetu; o lenei mea e tusa ua faalauiloaina mai ai e le Atua faapea o Iesu foi ua taʻuamiotonuina ma ua taʻuagavaaina mo isi tofiga mamalu. [Faitau Tusi Paia faalevaiaso; tagai i le w 5/15/90 itu. 13 pala. 12.]

9. O le “alu” o loo faasino i ai i le Filipi 1:23 e foliga mai o le faamoemoe lea o Paulo ina ia faatasia ma Keriso i le taimi lava e oti ai. [Faitau Tusi Paia faalevaiaso; tagai i le w 3/1/95 itu. 30 pala. 4.]

10. Na tusia e Paulo le 1 Timoteo i le vaitaimi i le va o lona faasaʻoloto mai lona uluai faafalepuipuiina i Roma ma lona faafalepuipuiina mulimuli iina. [si itu. 234 pala. 2]

Tali fesili ia o loo mulimuli mai:

11. I le ā le itu na tagofia ai ma le “faaletatau” e nisi i Korinito le areto ma le uaina ina ua latou faatasitasi e faamanatu le Faamanatuga o le maliu o Keriso? (1 Kori. 11:27) [Faitau Tusi Paia faalevaiaso; tagai i le w 2/15/90 itu. 19 pala. 17.]

12. O le iai o ai na lamatia ai le tulaga lelei o le faapotopotoga i Korinito, lea na uunaia ai Paulo e tusi atu lana tusi lona lua i Korinito? [si itu. 214 pala. 2]

13. O le a faapefea ona tauia mai e Ieova so o se mea atonu ua tatou faataulagaina ona o lana tapuaiga? [kl itu. 169 pala. 20]

14. O le ā ua faataulauina e tagi sa faia i faamasinoga maualuluga i mataupu e aafia ai le tapuaiga moni? [jv itu. 683 pala. 4]

15. I lona faaaogaina o le Afioga a le Atua, ua faapefea ona saunia e Paulo se faaaoaoga mataina mo faifeau Kerisiano i aso nei? [si itu. 217 pala. 19]

16. O le ā na uiga i ai le aposetolo o Paulo ina ua ia ­faapea mai o le Tulafono “na faaopoopo mai . . . ina ia faaalia ai solitulafono”? (Kala. 3:19) [Faitau Tusi Paia faalevaiaso; tagai i le uw itu. 147 pala. 3-4.]

17. I le Filipi 1:3-7, o ā mafuaaga ua faamālō atu ai Paulo i uso, ma e mafai faapefea ona tatou maua aogā mai la latou faaaoaoga? [si itu. 225 pala. 12]

18. Aisea e tatau ai i faifeau Kerisiano uma ona usitaia le fautuaga ua faatulaga mai i le Kolose 4:6? [si itu. 228 pala. 13]

19. O le ā na uiga i ai le aposetolo o Paulo ina ua ia faapea mai o lona manaoga mo fafine ia “teuteu ia i latou . . . ia onomea”? (1 Timo. 2:9, NW) [Faitau Tusi Paia faalevaiaso; tagai i le g-E 6/22/90 itu. 19 pala. 2.]

20. Aisea e tatau ai i Kerisiano ona utagia le lapataiga a Paulo o loo i le 1 Timoteo 6:4 e tusa ai o le “finau i upu”? [si itu. 236 pala. 15]

Tuu ane le upu, ni upu po o se fasi fuaiupu manaomia e faauma ai fuaiupu nei:

21. I le tausaga e ․․․․․․․․ na sainia ai se feagaiga i le va o le ․․․․․․․․ ma Nasi o Siamani, ma tatala aloaia ai e Hitila se tauiviga ina ia faatamaia uma ․․․․․․․․ sa i totonu o Siamani. [jv itu. 659 pala. 2]

22. O le uluai tusi a Paulo i uso i Korinito ua sili ona aogā i le faalauteleina o lo tatou malamalamaga i ․․․․․․․․ lea o loo sii mai ai le tele o manatu. [si itu. 213 pala. 23]

23. I lana tusi atu i uso i Kalatia, ua faamaonia ai e Paulo o le faamaoniga o se tasi e maua e ala i le ․․․․․․․․ ia Keriso Iesu, ae lē o galuega a le ․․․․․․․․ o lea la, o le ․․․․․․․․ e lē manaomia mo Kerisiano. [si itu. 218 pala. 6]

24. I lana uluai tusi i uso i Tesalonia, e faafā ona taʻua ai e Paulo le ․․․․․․․․ o Iesu Keriso, e foliga mai ona o le naunau fiafia o le faapotopotoga i lenei aʻoaʻoga. [si itu. 231 pala. 15]

25. O le tusi lona lua i uso i Tesalonia na tusia e ․․․․․․․․ a o iai i ․․․․․․․․ i le tausaga e ․․․․․․․․ [si itu. 232 pala. 4]

Fili le tali saʻo i faamatalaga ia o loo mulimuli mai:

26. I le talanoaina o lana aiā e maua ai mea manaomia o le olaga e ala i lana faiva, o loo faasino atu ai Paulo i le (Talmud; Mishnah; Tulafono a Mose), lea e faapea mai e lē tatau ona fusifusia gutu o manu o loo galulue ma o (sā Levī; Netini; aiga faaositaulaga o Arona) o loo faatinoina auaunaga i le malumalu sa maua la latou vaega mai le fata faitaulaga. [si itu. 213 pala. 24]

27. O le tusi a Paulo i uso i Kalatia ua aumaia ai se faamalamalamaga o le Isaia 54:1-6, lea o loo faaalia ai o le fafine a Ieova e faasino atu lea i le (Ierusalema faalelalolagi; Ierusalema i luga; Ierusalema Fou). (Kala. 4:21-26) [si itu. 219 pala. 16]

28. I le Efeso 1:10, o le “sauniuniga” e faasino atu lea i (le Malo Faa-Mesia; le Vaega Pule; le Ala a le Atua o loo puleaina ai mataupufai a lona auaiga). [si itu. 221 pala. 8]

29. O (ē talitonu i le faa-Iutaia; le vasega o taʻitaʻilotu a Kerisinetoma; Papelonia le Aai Tele) e mafai ona faasino atu i “le tagata o le amio leaga” lea o loo taʻua i le 2 Tesalonia 2:3. [Faitau Tusi Paia faalevaiaso; tagai i le w 5/15/90 itu. 23 pala. 11.]

30. Afai e iai ni ou masalosaloga matuia i se tasi i le taimi o le faigauo, o le mea atamai e fai o le (faataga ou lagona alofa e faateʻa ese ai ou masalosaloga; faamuta le faiā; pupuni ou mata i sese matuia ma faamoemoe o le a faasolo ina lelei le tulaga o mea pe a uma le faaipoipoga). [fy itu. 24 pala. 19]

Faafetaui mau ia o loo mulimuli mai i faamatalaga o loo lisiina i lalo:

Nu. 16:3; 1 Kori. 10:11, 12; 2 Kori. 4:7; 2 Kori. 8:14; Iuta 1

31. Pe a faamuamua e se tagata le faiva faa-Kerisiano i lona olaga, e tofo ai o ia i le mana ua foaiina mai e le Atua. [Faitau Tusi Paia faalevaiaso; tagai i le w-E 3/1/90 itu. 29 pala. 5.]

32. E tatau ona tatou utagia le faaaoaoga lapatai a le fanauga a Isaraelu a o iai i le taitaiga a Mose ma alofia ai le faalagolago o le tagata ia te ia lava. [si itu. 213 pala. 23]

33. O meaalofa ma le agalelei mai Kerisiano o loo iai mea faitino e mafai ona fesoasoani mo manaoga o i latou e faaletonu le tulaga faaletino, ae o le maelega ma le tutumau o ē o loo pagatia e mafai ona avea ma puna o le olioli ma faalaeiauga i ē o loo ofoina atu meaalofa. [Faitau Tusi Paia faalevaiaso; tagai i le w 12/15/93 itu. 21 pala. 20.]

34. E tatau i auauna a Ieova ona faanaunau e tausisia se uiga alofa, felagolagomai o le tasi i le tasi; o le taumuimui e mafai ona faaleagaina ai faiā lelei ma isi. [it-2 itu. 184 pala. 6]

35. E ao ona tatou faaeteete ia lē sailia le fia lauiloa e ala i le soona faamamafa atu i faiā faaletino. [it-2 itu. 132 pala. 1]