Faasilasilaga

◼ Lomiga e ofo mo Me: O kopi taʻitasi o Le Olomatamata ma le Ala Mai! Ia iai ni polosiua o le Manaomia e faaleoleo mo tagata fiafia, ma taumafai e amata suʻesuʻega faale-Tusi Paia i aiga. Iuni: O le ā e Manaomia e le Atua Mai ia i Tatou? Uaʻi atu i le amataina o suʻesuʻega faale-Tusi Paia i aiga. Iulai ma Aokuso: So o se polosiua e 32 itulau o loo mulimuli mai e mafai ona faaaogā: Po o Silasila Alofa mai ea le Atua ia i Tatou?, Olioli i Le Ola i Le Lalolagi e Faavavau!, “Faauta! Ou te Faia ia Fou Mea Uma Lava,” Pe Ao ona E Talitonu i le Tolutasi?, Agaga o Ē ua Maliliu—Pe Mafai ona Latou Fesoasoani ia te Oe pe Faaleagaina ai Oe? Pe o Ola Moni i Latou?, O le Malo O le a na Aumaia Le Parataiso, ma le Pe a Maliu se Tasi e Pele i a te Oe. Setema: Laʻu Tusi o Tala o Le Tusi Paia. Oketopa: Kopi taʻitasi o Le Olomatamata ma le Ala Mai! A faaalia le fiafia i toe asiga, e mafai ona ofo i ai tusiga.

◼ E tatau i le ovasia taʻimua ona telefoni atu i le ofisa lālā pe afai na te lē mauaina le sapalai a le faapotopotoga o La Tatou Faiva o le Malo i le aso 25 o masina a o leʻi oo i le aso e tufa atu ai.

◼ Ua matou iloa e tatau ona faamanatu atu i tagata talaʻi uma lava e faapea, e lē tatau lava ona faaaogāina le tuatusi o le Sosaiete i so o se tusi totino a le tagata lava ia. E aofia ai i lenei mea tusi uma ma lomiga e aauina atu i le meli e avatu ai se molimau i tagata fiafia, ia i latou e leʻi maua i aiga, pe ia i latou foʻi o loo nonofo i nofoaga mamao. Afai e molimau atu e ala i le meli, ia faaaogā lou lava tuatusi po o le tuatusi o lo outou Maota o le Malo. Faamolemole aua le faaaogāina le tuatusi o le Sosaiete.

◼ E tatau i le ovasia taʻimua po o se tasi ua ia tofia ona suʻe tusi a le faapotopotoga ia Iuni 1 po o le vave e mafai ai mulimuli ane. A māeʻa ona faia lenei mea, ia fai se faasilasilaga i le faapotopotoga pe a uma ona faitau le tala o le tupe e sosoo ai.