Faasilasilaga

◼ Lomiga e ofo iā Tesema: Le Tagata Silisili o Ē Uma na Soifua Mai. Ianuari: “Ia Oo mai Lou Malo,” po o so o se tusi tuai o loo maua i le faapotopotoga. Fepuari: Faalatalata Atu iā Ieova. Mati: Ia ofo le tusi o le Poto, ma ia taumafai e amata ni suʻesuʻega faale-Tusi Paia. Pe afai o loo iai i tagata lenei tusi, e mafai ona faaaogā le tusi Valoaga a Tanielu e sui ai. Aperila ma Me: Ia ofo kopi taʻitasi o Le Olomatamata ma le Ala Mai! Pe a toe asia tagata fiafia e aofia ai ē atonu na auai i le faamanatuga po o isi sauniga faapitoa, ae e seāseā auai i sauniga a le faapotopotoga, ia taulaʻi atu i le ofoina o le tusi Tapuaʻi i le Atua. Ia taumafai malosi e amata se suʻesuʻega faale-Tusi Paia aemaise pe afai ua māeʻa ona suʻesuʻeina e tagata le tusi o le Poto po o le polosiua o le Manaomia.

◼ E faamanatu atu i le uso o loo taulimaina tupe a le faapotopotoga, o meaalofa e tuuina i pusa mo le Galuega i le Lalolagi Aoao ma Faaputugātupe mo Maota o le Malo, e tatau ona aumai i masina taʻitasi ma e lē tatau ona faaaogā e totogi ai se nonogatupe mo se Maota o le Malo, po o isi tupe faaalu a le faapotopotoga.

◼ O le a auina atu i a outou faapotopotoga pepa valaaulia o le Faamanatuga mo le 2004 i la outou gagana. Pe afai e iai nisi e tautatala i isi gagana i la outou oganuu ma tou te manaʻomia ni pepa valaaulia i na gagana, e tatau ona vave faatumu le Literature Request Form (S-14). Faamolemole ia talosaga atu mo na o gagana o loo manaʻomia i la outou oganuu.

◼ Faamolemole ia mātau mai, o le Faamanatuga mo le tausaga 2005 o le a paʻū i le Aso Tofi, Mati 24, pe a mavae le goto o le lā. Ua vave ona taʻu atu lenei faaaliga ina ia mafai ai e uso ona faamautinoa ua maua se maota e fai ai le Faamanatuga pe afai e sili atu i le tasi le faapotopotoga e faaaogāina le Maota o le Malo. E tatau i toeaina ona faia se maliega ma le pulega o le nofoaga, ina ia faamautinoa ai o le a lē faalavelave mai isi gaoioiga o loo faia i lea nofoaga, ma o le a mafai ona uaʻi ma le lē gasē le aofia i le faamanatuina o le Faamanatuga. Talu ai ona o se aso e tāua, e tatau ai i le ʻautoeaina ona filifilia se failauga e sili ona agavaa na i lo le auauaʻi o le ʻautoeaina po o le faaaogāina o le uso e toʻatasi i tausaga uma. Pe afai o loo iai se toeaina agavaa o le vaega totoe e mafai ona ia faia le lauga, e tatau ona filifilia o ia.

◼ E amata mai iā Mati 15, 2004 e oo iā Me 16, 2005, o le a suʻesuʻeina ai i Suʻesuʻega Tautusi a le Faapotopotoga le tusi Faalatalata Atu iā Ieova. O faapotopotoga e mananaʻo i ni kopi matamata tetele faa-Peretania o le Faalatalata Atu iā Ieova, e tatau ona tuuina vave mai la latou talosaga.