Faasilasilaga

◼ Lomiga e ofo iā Iulai ma Aokuso: Faaaogā so o se polosiua e 32 itulau. Setema: Le Ala e Maua ai le Fiafia i le Aiga po o le tusi Fesili Mai Talavou. Oketopa: Mekasini o le Olomatamata ma le Ala Mai! Pe a faaalia e se tasi le fiafia, ia ofo i ai le polosiua o le Manaomia, ma ia fai ni taumafaiga faapitoa e amata ai ni suʻesuʻega faale-Tusi Paia. Novema: Ia Faalogo i le Faiaʻoga Sili. Tesema: Le Tagata Silisili o Ē Uma na Soifua Mai po o Laʻu Tusi o Tala o Le Tusi Paia ma le E Mafai Ona E Ola e Faavavau i Parataiso i Le Lalolagi e sui ai.

◼ E amata iā Setema ona tauaaoina e ovasia o matagaluega le lauga i le lautele e faamatuaina e faapea “Fesagaʻia le Lumanaʻi i le Faatuatua ma le Lototele.”

◼ Pe a talaʻia nuu maotua, e mafai e tagata talaʻi ona latou ofoina atu le polosiua o le Manaomia po o le tusi o Le Poto. E mafai foʻi ona ofo atu se isi lava lomiga pe afai ua iai lomiga nei e lua i lē e ona le fale. E tatau i tagata uma lava ona ave ni sāvali eseese mo aiga e lē o maua atu i ai ni tagata, po o i latou foʻi e lē taliaina ni lomiga. E ao ona faia ni taumafaiga ina ia toe asia tagata loto fiafia, aemaise lava i nuu maotua o loo taulalata ane i ai ia nisi faapotopotoga.

◼ E tatau i failautusi o faapotopotoga ona iai se sapalai e lava ma totoe o pepa, Application for Regular Pioneer Service (S-205) ma le pepa Talosaga mo le Auaunaga Paeonia Lagolago (S-205b-SM). O nei pepa e mafai ona otaina i le Literature Request Form (S-14). Ia iai se sapalai e lava mo le tausaga atoa.

◼ A o leʻi avatua tusi talosaga mo le auaunaga paeonia sauatoa i le ofisa i Samoa, e ao ona toe tagaʻi i ai le failautusi o le faapotopotoga i le talosaga, ina ia faamautinoa ua māeʻa ona faatumuina. Afai e lē o manatua e i latou o loo talosaga le aso o lo latou papatisoga, e tatau ona latou fuafuaina le aso, ona taumafai lea e faamau lelei i lalo lenā aso. E tatau ona faamauina e le failautusi lenei aso i le pepa Congregation’s Publisher Record.

◼ E ao i le ofisa i Samoa ona teuina faamaumauga o tuatusi ma numera o telefoni a ovasia taʻimua ma failautusi uma. Pe afai e suia i se taimi, e tatau i le Komiti o le Auaunaga a le Faapotopotoga ona faatumu, sainia ma lafo vave atu i le ofisa o le lālā le pepa, Presiding Overseer/Secretary Change of Address (S-29). E aofia ai foʻi ma suiga i numera (area code) o le telefoni pe afai ua iai.

◼ E amata atu iā Aperila, o le a faaaofia atu i uta o lomiga ia pine mo le tauaofiaga o le 2004. O le a lē manaʻomia ona talosagaina nei pine seʻi vagana o iai se vaega e ese la latou gagana o loo iai i le faapotopotoga. O le a auina atu pine e taʻi 25 atu i le vaega, e fua lava i le toʻatele o faapotopotoga taʻitasi. Afai e manaʻomia e le faapotopotoga ni pine faaopoopo, e ao ona talosagaina i le Literature Request Form (S-14). E tatau ona talosagaina ni faavaa e tuu ai pine mo so o se tasi i le faapotopotoga e manaʻomia.