Autaluga o le Aʻoga o le Faiva Faatiokarate

O le a talanoaina fesili o loo mulimuli mai i le Aʻoga o le Faiva Faatiokarate i le vaiaso e amata iā Oketopa 25, 2004. O le a faafoeina e le ovasia o le aʻoga se autaluga e 30 minute e faavae i mataupu na talanoaina i lauga mo vaiaso o Setema 6 e faasolo atu iā Oketopa 25, 2004. [Mātau: I fesili e lē o iai ni lomiga o tusia i o latou faaiʻuga, o le a manaʻomia ai ona faia ni au lava suʻesuʻega e suʻeina ai tali.—Tagaʻi i le tusi o le Aʻoga o le Faiva, itu. 36-37.]

UIGA O LE TAUTALA

1. E faapefea ona tatou faaleo atu se lauga faatatau i nisi o vala o la tatou galuega faa-Kerisiano i se auala mautinoa? [be itu. 203 pala. 3-4]

2. O le ā lenei mea o le toe taʻu, ma aiseā e tāua ai? [be itu. 206 pala. 1-4]

3. E faapefea ona tatou faamamafa le matua o a tatou lauga? [be itu. 210 pala. 1-5, pusa]

4. E faapefea ona tatou iloa manatu autū o se lauga lea ua tofia i tatou e fai? [be itu. 212 pala. 1-4]

5. Aiseā e lē tatau ai ona tele ni manatu autū? [be itu. 213 pala. 2-4]

LAUGA NU. 1

6. O ā ni mea tau atinaʻe na iai a o leʻi oo i le Lolo, lea na ono faafaigatā ai i tagata ona talitonu faapea ua oo mai le iʻuga o mea uma lava? [w02 3/1 itu. 5-6]

7. Aiseā e mataʻina ai le taʻua e aumea a Iesu o ia o le “aʻoaʻo” ae lē o se “Fai Faamālōlōga”? (Luka 3:12; 7:40) [w02 5/1 itu. 4 pala. 3; itu. 6 pala. 6]

8. Ua faapefea ona faamatilatila mai i le Faataoto 11:24, 25 le tāua o le iai o se sao atoatoa i le faiva i le fanua? [w02 7/15 itu. 30 pala. 2-4]

9. O le ā le finauga na lāgā i le fouvalega i Etena, ma o ā iʻuga o lenā fouvalega? (Kene. 3:1-6) [w02 10/1 itu. 6 pala. 1-3]

10. Ua faapefea ona iloa le taimi o le toe fuataʻiina o le tapuaʻiga moni i Ierusalema? [bsi04 itu. 2 pala. 5]

FAITAU TUSI PAIA FAALEVAIASO

11. Ona na taʻu atu e Ieova iā Palaamo e ō ma tagata a Palako, ae aiseā na toʻatamaʻi ai o Ia ina ua ō Palaamo ma i latou? (Nu. 22:20-22)

12. Pe e mafai e se tane a se fafine Kerisiano ona faalēaogā ni tautoga ua faia e lana avā? (Nu. 30:6-8)

13. O le ā le ata faaonapōnei o “aai o sulufaʻiga”? (Nu. 35:6) [w95 11/15 itu. 17 pala. 8]

14. Po o lenei ea poloaʻiga i le Teuteronome 6:6-9 ‘Ia fusi le tulafono a le Atua i lou lima, ma avea foʻi ma pale i le va o ou mata’ o se mea e faia moni lava?

15. Po o le faaupuga “na lē pala ou ofu na e ofu ai” o lona uiga sa toe faafou le sapalai o ofu o tagata Isaraelu? (Teu. 8:4)