Faasilasilaga

◼ Lomiga e ofo iā Ianuari: E mafai ona ofo so o se tusi e 192 itulau na lomia a o lumanaʻi le 1990. Fepuari: Faalatalata Atu iā Ieova po o le tusi Tumutumuga o le Faaaliga e sui ai. Mati: Ia Faaauau Ona Mataala! Pe a fiafia moni se tasi, ia ofo i ai le tusi o le Poto, ma ia taumafai e amata se suʻesuʻega faale-Tusi Paia. Aperila ma Me: Le Olomatamata ma le Ala Mai! Iuni: Ia Faalogo i le Faiaʻoga Sili.

◼ O le matua fou mo le lauga i le lautele a ovasia matagaluega, e amata ona faia iā Fepuari ma ia lē silia Mati 6, e faapea: “Ia Atamai i se Lalolagi Amio Leaga.”

◼ E tatau i faapotopotoga ona faia ni fuafuaga talafeagai mo le faamanatuina o le Faamanatuga i le Aso Tofi, Mati 24, pe a goto le lā. E tusa lava pe vave amata le lauga, ae e lē tatau ona tufaina atu le areto ma le uaina seʻi goto le lā. Siaki i le ofisa vaai tau ina ia iloa ai po o le ā le taimi e goto ai le lā. E lelei pe a fai le Faamanatuga a le faapotopotoga lava ia. Peitaʻi, atonu e lē talafeagai i taimi uma lenā fuafuaga. Afai e masani ona faaaogā e ni faapotopotoga se Maota o le Malo e tasi, atonu e lelei i se tasi o faapotopotoga pe e sili atu foʻi ona saʻili se isi fale mo lenā pō. Afai e mafai, e lelei pe a tovā faamanatuga a faapotopotoga taʻitasi i le 40 minute, ina ia aogā le sauniga i tagata uma. E ao ona vaai lelei taavale ma mea e paka ai, e aofia ai le auina mai o tagata ma le toe ō mai o taavale e avatu a latou pasese. E ao i toeaina ona fuafua le mea e sili ona lelei mo tagata uma.

◼ O le a iai se talanoaga i le Sauniga o le Auaunaga i le vitiō David—He Trusted in God, i La Tatou Faiva o le Malo o Mati. E na o le DVD e maua ai lenei ata e taʻua o le Noah Walked With God—David Trusted in God. E valu gagana e filifili mai ai—Faa-Iapani, Italia, Falani, Peretania, Potukali (Pasili), Siamani, Sipaniolo, ma le Rusia. E mafai ona ota ni DVD i le isi ota e sosoo ai a le faapotopotoga.