Mea ia Manatua mo le Faamanatuga

O le Faamanatuga i lenei tausaga e paʻū i le Aso Tofi, Mati 24. O mea nei e tatau i toeaina ona uaʻi totoʻa i ai:

◼ A o faatulaga le taimi mo le sauniga, ia faamautinoa e lē tufaina le areto ma le uaina seʻia mavae le goto o le lā.

◼ E tatau ona faailoa atu i tagata uma e aofia ai ma le failauga le taimi tonu ma le nofoaga e fai ai le Faamanatuga.

◼ E tatau ona maua se areto ma se uaina talafeagai ma ia saunia lelei.—Tagaʻi i Le Olomatamata o Fepuari 15, 2003, itu. 14-15.

◼ O ipu mafolafola, ipu malamalama, se laulau talafeagai ma se ʻie ufi laulau e tatau ona vave aumai i le maota ma faatulaga lelei.

◼ E tatau ona matuā faamamā lelei muamua le Maota o le Malo po o se isi fale o le a faaaogā mo le sauniga.

◼ E tatau ona muaʻi filifilia le ʻautautua ma i latou e tufaina le areto ma le uaina ma faatonu lelei e uiga i o latou tiute, le faagasologa saʻo ma ia laʻei e talafeagai ma le mamalu o le sauniga.

◼ E tatau ona faia se fuafuaga i le tufaina atu o le areto ma le uaina i nisi o le vaega faauuina o ē e lē o atoatoa le malosi o le tino ma e lē o mafai ona auai mai.

◼ Pe a sili atu i le tasi le faapotopotoga e faaaogāina le Maota o le Malo e tasi, e tatau ona felagolagomaʻi lelei ia faapotopotoga nei ina ia ʻalofia ai le tumutumu vale i le faitotoʻa e ulufale atu ai, i le auala e savavali ai ma le mea e paka ai taavale.