Autaluga o le Aʻoga o le Faiva Faatiokarate

O le a talanoaina fesili o loo mulimuli mai i le Aʻoga o le Faiva Faatiokarate i le vaiaso e amata iā Aperila 25, 2005. O le a faafoeina e le ovasia o le aʻoga se autaluga e 30 minute e faavae i mataupu na talanoaina i lauga mo vaiaso o Mati 7 e faasolo atu iā Aperila 25, 2005. [Mātau: I fesili e lē o iai ni lomiga o tusia i o latou faaiʻuga, o le a manaʻomia ai ona faia ni au lava suʻesuʻega e suʻeina ai tali.—Tagaʻi i le tusi o le Aʻoga o le Faiva, itu. 36-37.]

UIGA O LE TAUTALA

1. Pe a sauniuni se lauga, e faapefea ona tatou faaaogā le mataupu ua tofia atu, ma aiseā e tāua ai? [be itu. 234 pala. 1-3, pusa]

2. O le ā le tele o faamatalaga e ao ona tatou faaaogāina i se lauga? [be itu. 234 pala. 4–itu. 235 pala. 1]

3. E faapefea ona tatou faaaogā fesili e amata ai se talanoaga i le faiva i le fanua? (Galu. 8:30) [be itu. 236 pala. 2-5]

4. E faapefea ona tatou faaaogā fesili e fesoasoani ai i tagata aʻoga o le Tusi Paia e faaaogā o latou “tomai o le mafaufau?” (Roma 12:1, NW) [be itu. 238 pala. 1]

5. O le ā le aafiaga o fesili o loo i le Roma 8:31, 32 ma le Isaia 14:27? [be itu. 239 pala. 1-2]

LAUGA NU. 1

6. E faapefea ona tatou ‘tuuina Keriso ma faavae’ i la tatou galuega o le faia o soo? (1 Kori. 3:11) [be itu. 278 pala. 1-2]

7. Ona na tuu atu e Ieova i lona Alo le faatagaga atoa e pule ai talu mai le 1914, o le ā lo tatou faanaunauga pe a tatou tatalo, “Ia oo mai lou malo”? (Mata. 6:9, 10) [be itu. 279 pala. 4]

8. Aiseā e ao ai i Kerisiano uma ona naunau ia iloa faitau, ma na faapefea ona faataatia e Iesu se faaaʻoaʻoga o lenei mea? [w03 3/15 itu. 10 pala. 5; itu. 12 pala. 2]

9. E faapefea i faaaʻoaʻoga a Iosia ma Iesu ona fesoasoani i talavou e faia ni agaʻigaʻi i luma faaleagaga? [w03 4/1 itu. 8 pala. 3-4; itu. 10 pala. 3]

10. Aiseā tatou te maufaatuatuaina ai le Atua? (Faata. 3:5, 6) [w03 11/1 itu. 4 pala. 6-7]

FAITAU TUSI PAIA FAALEVAIASO

11. Aiseā na tatalo ai Hana iā Ieova ina ia “foaʻi atu le malosi i lana tupu” ae sa leai se tupu na pule iā Isaraelu? (1 Samu. 2:10)

12. O le ā e tatou te aʻoaʻoina mai le mea moni faapea e ui lava sa iai le atolaau o le feagaiga i tagata Isaraelu ae na faatoʻilaloina lava? (1 Samu. 4:3, 4, 10)

13. Aiseā ua faasino atu ai le 1 Nofoaiga a Tupu 2:13-15 iā Tavita o le atalii lona fitu o Iese, ae i le 1 Samuelu 16:10, 11 o loo faaalia ai o ia e lona valu?

14. O le ā le “agaga leaga” lea na osofia Saulo? (1 Samu. 16:14)

15. Pe na saʻo ea le mea na vavalo i ai “Samuelu” e ala i le faataulāitu i Enetoro? (1 Samu. 28:16-19)