Faasilasilaga

◼ Lomiga e ofo iā Aokuso: E mafai ona faaaogā so o se polosiua e 32 itulau e talafeagai. Setema: Le Ala e Maua ai le Fiafia i le Aiga. Oketopa: Le Olomatamata ma le Ala Mai! Pe a faaalia le fiafia, faamolemole ia ofo le polosiua o le Manaomia. Novema: Ia Faalogo i le Faiaʻoga Sili. Pe a faapea mai tagata o aiga, e leai ni a latou fanau, ofo i ai le tusi o le Poto po o le sāvali Pe E te Manaʻo e Fia Iloa Atili e Faatatau i le Tusi Paia? Tesema: Le Tagata Silisili o Ē Uma na Soifua Mai. Ianuari: Laʻu Tusi o Tala o Le Tusi Paia. Afai e lē talia e le tagata, ia ofo i ai le polosiua Ia Faaauau Ona Mataala!

◼ Ona o Oketopa e lima faaiʻuga o vaiaso, o se masina lelei tele la e paeonia lagolago ai.

◼ E tatau i le ovasia taʻimua po o se isi ua ia tofia, ona suʻe ia tusi a le faapotopotoga iā Setema 1 po o le vave e mafai ai. Afai o iai se isi teugātupe o loo iai, e pei o se teugātupe mo mea e toe faaleleia po o faugāfale, e tatau ona faatulaga e suʻe foʻi ma lenei teugātupe. Pe a māeʻa ona fai lea tulaga, ona faia lea o se faasilasilaga i le faapotopotoga faatasi ma le isi tala o le tupe o loo sosoo ai.

◼ E faamanatu atu, e lē tatau lava ona faaaogā le tuatusi o le ofisa i Samoa mo le faia o so o se fetusiaʻiga a le tagata lava ia. E aofia ai tusi uma ma lomiga o loo lafo atu i le meli mo le avatua o se molimau i tagata loto fiafia, i tagata e leʻi maua i aiga, po o i latou o loo nonofo i nofoaga e faigatā ona oo atu i ai. E ao ona faaaogā e le tagata talaʻi lona lava tuatusi, ona o lana faiva o loo aofia ai lana lava auaunaga i le Atua. (Mata. 28:19, 20; Roma 10:14, 15) Ae peitaʻi, afai e na te lagona e lē talafeagai le faaaogā o lona tuatusi pe a molimau atu e faaaogā ai le meli, e na te ono faaaogā lona suafa ma le tuatusi o le Maota o le Malo.—Tagaʻi i le Pusa Fesili o La Tatou Faiva o le Malo o Me 2002.

◼ E ao ona faia le faitauga faaletausaga o tusi ma mekasini uma o loo iai, iā Aokuso 31, 2005, po o se aso e lata ane i ai. O le faatulagaga o lenei faitauga e talitutusa i le faitauga lea e faia i masina taʻitasi e le auauna o tusi, ma e tatau ona faamauina le aofaʻi i le pepa Literature Inventory (S-18). E mafai ona maua mai le aofaʻi o mekasini o loo iai mai le auauna po o auauna o mekasini. E tatau i le failautusi o le faapotopotoga lea e gafa ma le otaina o tusi, ona vaaia le faitauina o lomiga. O i laʻua ma le ovasia taʻimua o le faapotopotoga lava lea e sainia le pepa. O le a maua e faapotopotoga taʻitasi o loo gafa ma le faitauina o lomiga, ia pepa e tolu o le Literature Inventory forms (S-18). Faamolemole lafo le uluaʻi pepa i le ofisa i Samoa ia lē silia ma Setema 6. Ia teu se kopi mo a outou faila. E mafai ona faaaogā le kopi lona tolu e galulue ai.

◼ E tatau i faapotopotoga ona amata talosaga le 2006 Calendar of Jehovah’s Witnesses, Iloiloina o le Tusi Paia i Aso Taʻitasi—2006, ma le 2006 Yearbook of Jehovah’s Witnesses i le isi a latou ota o lomiga o loo sosoo ai. O le lisi o gagana o loo maua ai nei lomiga o le a maua atu i le “Faasilasilaga mo Faapotopotoga Uma,” lea e lafoina atu i faapotopotoga.