Faasilasilaga

◼ Lomiga e ofo iā Novema: Ia Faalogo i le Faiaʻoga Sili. Afai e faapea mai le tagata o le aiga o ia e leai sana fanau, ona ofo lea i ai o le tusi o le Poto po o le sāvali Pe E te Manaʻo e Fia Iloa Atili e Faatatau i le Tusi Paia? Tesema: Le Tagata Silisili o Ē Uma na Soifua Mai. Ianuari: Laʻu Tusi o Tala o Le Tusi Paia. Afai e lē taliaina e le tagata o le aiga le ofo o le tusi, ona faailoa lea i ai o le polosiua Ia Faaauau Ona Mataala! Fepuari: Faalatalata Atu iā Ieova. Mati: O ā Aʻoaʻoga Moni a le Tusi Paia? Fai ni taumafaiga faapitoa e amata ai suʻesuʻega faale-Tusi Paia. Aperila: Le Olomatamata ma le Ala Mai! Pe a toe asia tagata na faaalia le fiafia e aofia ai ma tagata sa auai mai i le Faamanatuga, po o isi faatulagaga e fesootaʻi atu i la tatou tapuaʻiga ae e lē o auaufaatasi ma le faapotopotoga, ia ofo i ai le tusi fou O ā Aʻoaʻoga Moni a le Tusi Paia? O le sini, o le amataina lea o se suʻesuʻega faale-Tusi Paia i lenā tusi.

◼ E tatau i le ovasia taʻimua po o se tasi na te tofiaina, ona suʻe ia tusi a le faapotopotoga iā Tesema 1 po o le vave e mafai ai mulimuli ane. Afai e iai se isi teugātupe o loo iai, e pei o teugātupe mo le faaleleia o fale ma faugāfale, e tatau foʻi ona faia se fuafuaga e suʻeina ai lea teugātupe. Pe a māeʻa ona suʻeina tusi, ona fai lea o se faasilasilaga i le faapotopotoga i le taimi o le tala o le tupe e sosoo ai.

◼ O foaʻi tauofo e faia e ala i siaki tupe ma tuuina i totonu o pusa mo meaalofa tauofo mo le galuega i le lalolagi aoao, ma Faaputugātupe mo Maota o le Malo, e tatau ona faia ina ia totogi atu i le “Jehovah’s Witnesses.” O foaʻi e faia i tauaofiaga itumalo e ala i siaki tupe ma foaʻi e auina atu i le ofisa i Samoa, e ao ona fai ina ia totogi atu i le “International Bible Students Association.” O le tuatusi o le ofisa i Samoa, o le International Bible Students Association, P.O. Box 673, Apia, Samoa.

◼ O le a talanoaina le vitiō Transfusion-Alternative Health Care—Meeting Patient Needs and Rights i se Sauniga o le Auaunaga iā Ianuari. Afai e manaʻomia, e ao ona talosaga ni kopi e ala i le faapotopotoga i le vave e mafai ai.