Faasilasilaga

◼ Lomiga e ofo iā Mati: O ā Aʻoaʻoga Moni a le Tusi Paia? Ia fai ni taumafaiga faapitoa e amata ni suʻesuʻega faale-Tusi Paia. Aperila ma Me: Le Olomatamata ma le Ala Mai! Pe a faia ni toe asiga i tagata na faaalia le fiafia, e aofia ai ma i latou na auai i le Faamanatuga po o isi sauniga ae e lē o toe aufaatasi ma le faapotopotoga, ia taulaʻi atu i le ofoina o le tusi fou O ā Aʻoaʻoga Moni a le Tusi Paia? O le fuafuaga ia amata se suʻesuʻega faale-Tusi Paia i le tusi. Iuni: Ofo le tusi Ia Faalogo i le Faiaʻoga Sili. A faapea mai le tagata e leai sana fanau, ona ofo lea i ai o le tusi Fiafia i le Aiga. Iulai ma Aokuso: So o se polosiua e 32 itulau.

◼ Ona e lima faaiʻuga o vaiaso iā Aperila, o se masina la e sili ona lelei e fai ai se paeonia lagolago.

◼ O le a faia le Faamanatuga i le Aso Lulu, Aperila 12, 2006. Afai e masani ona faia sauniga a la outou faapotopotoga i le Aso Lulu, e tatau ona suia i se isi aso o le vaiaso pe afai e avanoa le Maota o le Malo. Afai e lē mafai ona faia lea suiga ma ua aafia ai la outou Sauniga o le Auaunaga, e ono mafai la ona faaaofia vaega patino o loo fetaui lelei ma la outou faapotopotoga i se isi Sauniga o le Auaunaga.

◼ E tatau ona tuuina atu i le faapotopotoga lomiga o Le Olomatamata ma le Awake! i le taimi lava e taunuu mai ai le sapalai. O le faia faapea e mafai ai e tagata talaʻi ona faamasani i mataupu o loo iai, a o leʻi ofoina atu mekasini i le auaunaga i le fanua. E tatau foʻi ona tuuina atu i le ʻautalaʻi ia La Tatou Faiva o le Malo, i le taimi lava e taunuu mai ai. E ono tufatufaina atu i le Suʻesuʻega Tautusi a le Faapotopotoga.

◼ O le a talanoaina i le Sauniga o le Auaunaga iā Me le vitiō Noah—He Walked With God. O lea la, pe afai e manaʻomia, e ao ona talosagaina kopi o nei vitiō e ala i le faapotopotoga i le vave e mafai ai.

◼ E lē taulimaina e le ofisa o le lālā talosaga a tagata talaʻi taʻitoʻatasi mo lomiga. E tatau i le ovasia taʻimua ona fuafua e faia se faasilasilaga i masina taʻitasi a o leʻi auina atu i le lālā le talosaga o lomiga mo masina taʻitasi, ina ia mafai ai e i latou uma o loo mananaʻo e maua ni a latou lava lomiga, ona logo le uso o loo taulimaina lomiga. Faamolemole, ia mātau ma iloa lomiga e talosagaina faapitoa.