Faasilasilaga

◼ Lomiga e ofo iā Iulai ma Aokuso: E mafai ona faaaogā so o se polosiua e 32 itulau. Setema: O ā Aʻoaʻoga Moni a le Tusi Paia? E ao ona faia ni taumafaiga faapitoa e amata ai se suʻesuʻega faale-Tusi Paia i lau uluaʻi asiasiga. O lomiga uma e tuu e ao ona toe tulitatao i le faia o toe asiga, ma le fuafuaga e amata se suʻesuʻega faale-Tusi Paia. Oketopa: Le Olomatamata ma le Ala Mai! Pe a faaalia le fiafia, ona ofo lea i ai o le polosiua Ia Faaauau Ona Mataala! ina ia ati aʻe atili le naunau i le Tusi Paia. Novema: Ia Faalogo i le Faiaʻoga Sili. Pe a faapea mai le tagata o le aiga e leai sana fanau, ona ofo lea i ai o le sāvali Pe E te Manaʻo e Fia Iloa Atili e Faatatau i le Tusi Paia? po o se isi sāvali e talafeagai. Tesema: Le Tagata Silisili o Ē Uma na Soifua Mai.

◼ E amata atu iā Setema, o le a tauaaoina e ovasia o matagaluega le lauga i le lautele “O le ā Lou Tulaga i le Silafaga a le Atua?”

◼ E amata i le vaiaso o Ianuari 8, 2007, o le a tatou suʻesuʻeina ai le tusi Faaaliga—Ua Latalata Lona Tumutumuga Matagofie! i le Suʻesuʻega Tautusi a le Faapotopotoga. E tatau ona lava le sapalai o tusi i le faapotopotoga mo le taimi e suʻesuʻe ai.

◼ E fautuaina le tuuina atu o tusi talosaga mo le auaunaga paeonia sauatoa i le ofisa i Samoa ia lē itiiti ifo i le 30 aso, a o leʻi oo i le aso ua talosaga e amata ai. E tatau i le failautusi o le faapotopotoga ona toe tilofaʻia tusi talosaga ina ia faamautinoa ua māeʻa ona faatumu vaega uma. Pe afai e lē o manatua e tagata o loo talosaga le aso na papatiso ai, ona faatulaga lea o se aso e fuafua i le taimi na papatiso ai ma faamau lelei lenā aso. E ao ona faamau e le failautusi le aso lenā i le pepa o Congregation’s Publisher Record (S-21).

◼ E ao ona faamautinoa e failautusi o faapotopotoga, o loo iai Pioneer Appointment Letter (S-202) mo paeonia sauatoa taʻitasi i le faapotopotoga. Afai e leai, e tatau ona latou tusi atu i le ofisa i Samoa.

◼ E ao ona faia le faitauga faaletausaga o tusi ma mekasini uma o loo iai, iā Aokuso 31, 2006, po o se aso e lata ane i ai. O lenei faitauga e talitutusa i le faitauga lea e faia i masina taʻitasi e le auauna o tusi, ma ia faamauina le aofaʻi i le pepa Literature Inventory (S-18). E mafai ona maua mai le aofaʻi o mekasini o loo iai mai le auauna po o auauna o mekasini. E tatau i le failautusi o le faapotopotoga lea e gafa ma le otaina o tusi, ona vaaia le faitauina o lomiga. O i laʻua ma le ovasia taʻimua o le faapotopotoga lava lea e sainia le pepa. O le a maua e faapotopotoga taʻitasi o loo gafa ma le faitauina o lomiga, ia pepa e tolu o le Literature Inventory. Faamolemole ia lafo le uluaʻi pepa i le ofisa i Samoa ia lē silia ma Setema 6. Ia teu se kopi mo a outou faila. E mafai ona faaaogā le kopi lona tolu e galulue ai.