Faasilasilaga

◼ Lomiga e ofo iā Aperila ma Me: Le Olomatamata ma le Ala Mai! Pe a toe asia tagata fiafia, ia aofia ai ē na auai mai i le Faamanatuga po o isi sauniga faapitoa, ae leʻi faia so latou sao patino i le faapotopotoga. Taumafai ia amata ni suʻesuʻega i le tusi o Aʻoaʻoga a le Tusi Paia. Iuni: Le Ala e Maua ai le Fiafia i le Aiga. Iulai ma Aokuso: So o se polosiua talafeagai e 32 itulau. Setema: O ā Aʻoaʻoga Moni a le Tusi Paia? Fai se taumafaiga faapitoa e amata ni suʻesuʻega faale-Tusi Paia i le uluaʻi asiasiga. Afai ua iai i tagata o le aiga lenei lomiga, ia faaali i ai le auala o le a aogā ai iā i latou, i lou faataʻitaʻi puupuu i ai o se suʻesuʻega faale-Tusi Paia.

◼ E amata atu iā Aperila, o le a avatu faatasi i le sapalai o lomiga ia pine fatafata mo le tauaofiaga itumalo o le 2007. E lē manaʻomia ona talosagaina nei pine. Afai e manaʻomia e le faapotopotoga nisi pine, e ao ona talosagaina i le Literature Request Form (S-14). E mafai ona talosagaina ni faavaa e tuu ai pine mo so o se tasi i le faapotopotoga e manaʻomia.

◼ E ao i failautusi o faapotopotoga ona lava lelei se sapalai o pepa Application for Regular Pioneer Service (S-205), ma pepa Talosaga mo le Auaunaga Paeonia Lagolago (S-205b-SM). E mafai ona ota nei pepa i le Literature Request Form (S-14). Ia lava se sapalai mo le tausaga atoa. Ia faamautinoa ua uma ona faatumu pepa talosaga mo paeonia sauatoa a o leʻi lafo atu i le ofisa i Samoa.

◼ E ao i le ofisa i Samoa ona teu faamaumauga o tuatusi ma numera o telefoni a ovasia taʻimua ma failautusi uma. Pe afai e suia i se taimi, e tatau i le Komiti o le Auaunaga a le Faapotopotoga ona faatumu, saini ma lafo vave atu i le ofisa i Samoa le pepa, Presiding Overseer/Secretary Change of Address (S-29). E aofia ai foʻi ma suiga i numera (area code) o le telefoni pe afai ua iai.

◼ Po o le ā lava le taimi e fuafua ai se tasi e faimalaga atu e aofia ai le auai i sauniga a le faapotopotoga, se fonotaga, po o se tauaofiaga itumalo i se isi atunuu, e ao ona auina saʻo atu la outou talosaga mo faamatalaga e tusa ai o aso, taimi, ma le nofoaga i le ofisa o le lālā o loo vaavaaia le galuega i lenā atunuu. O loo lisiina atu tuatusi o ofisa o lālā i le itulau mulimuli o le Yearbook o le tausaga lenei.