Faasilasilaga

◼ Lomiga e ofo iā Iuni: Fiafia i le Aiga. Iulai ma Aokuso: So o se polosiua talafeagai e 32 itulau. Setema: Aʻoaʻoga a le Tusi Paia. Fai taumafaiga faapitoa e amata ni suʻesuʻega faale-Tusi Paia i le uluaʻi asiasiga. Afai ua iai i tagata o le aiga lenei lomiga, ia faaali i ai le auala o le a aogā ai iā i latou, i lou faataʻitaʻi puupuu i ai o se suʻesuʻega faale-Tusi Paia. Oketopa: Olomatamata ma le Ala Mai! Afai e faaalia le fiafia, ofo atu ma talanoaina le sāvali Pe E te Manaʻo e Fia Iloa Atili e Faatatau i le Tusi Paia? ma se sini e amata se suʻesuʻega faale-Tusi Paia. Novema: Faiaʻoga Sili. A fai mai tagata e leai ni a latou fanau, ona ofo lea i ai o le polosiua o le Mataala!

◼ E tatau i le ovasia taʻimua po o sē na te tofia, ona suʻe tusi a le faapotopotoga mo Mati, Aperila, ma Me. Pe a māeʻa, ona fai lea o se faasilasilaga i le faapotopotoga pe a uma ona faitau atu le tala o le tupe lea o sosoo mai.—Tagaʻi i le Instructions for Congregation Accounting (S-27).

◼ Faaaogā le Polosiua o Molimau a Ieova ma Aʻoaʻoga i le Aʻoga: Ua fetaiaʻi soo ma mataupu e aofia ai sauniga faalotonuu, aso faamanatu, taaloga, po o faatasiga o faafiafiaga. E aogā le polosiua o Molimau a Ieova ma Aʻoaʻoga i talavou Kerisiano e tusa ma nei mataupu. O tulaga e foliga mai e faigata e ono foiʻa pe faaitiitia, pe a tausolomua mātua o fanau e oo i faiaʻoga ma avatu i ai se kopi o lenei lomiga. E mafai ona latou faamatala atu e faapea, o le a faamalamalama e lenei tusi i le faiaʻoga le pogai ua filifili ai Molimau a Ieova ina ia lē auai i nisi o gaoioiga. O le mauaina e le faiaʻoga o nei faamatalaga e aogā tele i le ati aʻe o le agaga felagolagomaʻi.

E lelei foʻi mo tamaiti aʻoga Kerisiano ona iai ni a latou lava kopi o lenei polosiua. E masani ona iai avanoa e molimau atu ai i isi tamaiti aʻoga o ē fesili mai pe a talanoaina o tatou talitonuga. O ē usitaia lenei timaʻiga e mautinoa o le a pei i latou o ‘lē faautauta ua ia iloa atu le leaga ona lafi ai lea.’—Faata. 22:3.