Faasilasilaga

◼ Lomiga e ofo iā Novema: Ia Faalogo i le Faiaʻoga Sili. A fai mai tagata e leai ni a latou fanau, ona ofo lea i ai o le polosiua o le Mataala! Tesema: Le Tagata Silisili o Ē Uma na Soifua Mai. Pe a manaʻo e sui le ofo, e mafai ona e faaaogā le tusi, Faalatalata Atu iā Ieova, po o Le Ala e Maua ai le Fiafia i le Aiga. Ianuari: So o se tusi e 192 itulau ua amata ona eena laupepa o itulau, po o tusi na lomia i tua atu o le 1991. O faapotopotoga ua lē o toe iai ni a latou tusi faapea, e mafai ona ofo le tusi o Le Poto (pe afai o maua) po o le polosiua Ia Faaauau Ona Mataala! Fepuari: Le Ala e Maua ai le Fiafia i le Aiga. Mati: O ā Aʻoaʻoga Moni a le Tusi Paia. Aperila: Le Olomatamata ma le Ala Mai!

◼ Ona e lima faaiʻuga o vaiaso o Tesema, o se masina lelei tele e faia ai se paeonia lagolago.

◼ Ua iai lomiga faale-Tusi Paia ua faia faapitoa ina ia molimau atu ai iā i latou e iai talaaga faaleaganuu ma lotu. Ua iai i le auauna o tusi le lisi o ia lomiga aogā.

◼ O foaʻi tauofo e faia e ala i siaki tupe ma tuuina i totonu o pusa mo meaalofa tauofo mo le galuega i le lalolagi aoao, ma Faaputugātupe mo Maota o le Malo, e tatau ona faia ina ia totogi atu i le “Jehovah’s Witnesses.” O foaʻi e faia i tauaofiaga itumalo e ala i siaki tupe ma foaʻi e auina atu i le ofisa i Samoa, e ao ona fai ina ia totogi atu i le “International Bible Students Association.” O le tuatusi o le ofisa i Samoa, o le International Bible Students Association, P.O. Box 673, Apia, Samoa.

◼ E lelei mo tagata talaʻi ona faamautinoa, e lē o suia faamatalaga na latou tusia e faatatau iā i latou lava i le pepa o Faatonuga/ Tuusaunoaina Faafomaʻi ua Muaʻi Saunia. O lea pepa e puipuia ai lou aiā tatau e teena ai tuigātoto. E mafai foʻi ona fesoasoani atu toeaina pe a manaʻomia.—Tagaʻi i le faaopoopoga o La Tatou Faiva o le Malo o Novema 2006.

◼ E lē toe manaʻomia ona tuuina mai e tagata talaʻi le Lipoti o Suʻesuʻega (S-3) lea e faamauina ai suʻesuʻega taʻitasi na faia i le masina. Peitaʻi, e ao ona latou faaauau ona faailoa mai le numera o suʻesuʻega na faia i le laina saʻo o le Lipoti o le Auaunaga i le Fanua (S-4). O le a faaaogāina le pepa mo suʻesuʻega o le S-3 e faamaumau ai aofaʻiga o ē na auai i le sauniga a le faapotopotoga.