A o Auai i le Galuega Talaʻi:

Pe a Fesili Mai se Tagata— ‘Aiseā ua fai ai la outou lava Tusi Paia?’

E te ono tali atu: ‘E tele faaliliuga o le Tusi Paia o loo iai. E faalaeiauina e la matou faalapotopotoga le faaaogā o le tele o nei faaliliuga ina ia fai ai se faatusatusaga ma ia fesoasoani i tagata ia maua le uiga moni o mau. Atonu ua e silafia, na uluaʻi tusia le Tusi Paia i le gagana Eperu, Arama, ma le Eleni. E matou te talisapaia la le tautigā o le ʻaufaaliliu ina ia maua le Tusi Paia i la tatou lava gagana. O lē fea faaliliuga o e faaaogā?’

E mafai foʻi ona e faapea atu: ‘E aliali mai o oe o se tasi e naunau i le Afioga a le Atua. Ou te talitonu e te naunau e iloa se tasi o eseesega tele i le Tusi Paia a le Lalolagi Fou ma isi faaliliuga. O loo aofia ai le suafa o se tasi e sili ona tāua o loo taʻua i le Tusi Paia. E te silafia o ai ia lenā?’ E te ono faaopoopo atu faapea: (1) ‘E te silafia o lenei suafa pe tusa e faa-7,000—ona tusia i le Tusi Paia i le uluaʻi gagana Eperu—e sili atu i se isi lava igoa?’ (2) ‘E iai se eseesega o lo tatou faaaogā po o le lē faaaogāina foʻi o le suafa o le Atua? Manatu mai i le mea lenei, pe e iai ni au uō moni ae e te lē silafia o latou suafa? . . . Afai tatou te mananaʻo i se faiā totino ma le Atua, o le laasaga tāua muamua lava o le iloa o lona suafa. Mātau le fetalaiga a Iesu i le Ioane 17:3, 6. (Sala. 83:18)’

This article is unique to Samoa.