A o Auai i le Galuega Talaʻi:

Pe a Fesili Mai se Tagata—ʻAiseā ua fai ai la outou lava Tusi Paia?’

E te ono tali atu: ‘O lē fea faaliliuga o le Tusi Paia o loo iā te oe? O le . . . (ia taʻua Tusi Paia o loo maua i lau gagana)? Mo lou silafia, e tele faaliliuga o loo iai.’ E te ono faaopoopo atu faapea: ‘Ou te fiafia e faaaogā po o le ā lava le Tusi Paia e te finagalo i ai. Peitaʻi atonu e te fia iloa le māfuaaga ou te manaʻo faapitoa ai lava i le Tusi Paia o le Lalolagi Fou. Ona o loo faaupuina i le gagana faaonapōnei e manino ma malamalamagofie le auala o loo faaliliuina ai, ae lē gata i lea, o loo tausisi vavalalata atu le ʻaufaaliliu i le uluaʻi gagana na tusia ai le Tusi Paia.’

E mafai foʻi ona e faapea atu: ‘A fua i lau fesili e lē taumatea o iai sau Tusi Paia i le fale. O lē fea faaliliuga o le Tusi Paia o loo e faaaogā? . . . E te finagalo malie ae aumai lau Tusi Paia seʻi ta tilotilo i ai?’ E te ono faaopoopo atu faapea: ‘O i tatou uma lava, po o le ā lava le Tusi Paia o tatou faaaogā, ae i le Ioane 17:3 o loo faamamafa mai ai e Iesu se mea tāua e ao ona tatou manatua uma lava, e pei ona e tagaʻi i ai i lau lava Tusi Paia. . . .’

This article is unique to Samoa.