Faasilasilaga

◼ Lomiga e ofo iā Mati: O ā Aʻoaʻoga Moni a le Tusi Paia? Ia fai se taumafaiga maelega e amata ni suʻesuʻega faale-Tusi Paia. Aperila ma Me: Le Olomatamata ma le Ala Mai! Ia fai se taumafaiga faapitoa ia asia tagata fiafia o ē na auai i le Faamanatuga po o le lauga faapitoa i le lautele, ae e lē o auai i sauniga. E ala ona toe asia i latou, ina ia amata se suʻesuʻega faale-Tusi Paia ma i latou e lē o suʻesuʻe. Iuni: Ia Tapuaʻi i le Atua Moni e Toʻatasi. Iulai ma Aokuso: So o se polosiua e 32 itulau.

◼ E ao i faapotopotoga ona vave ona tuu atu i le ʻautalaʻi ia kopi fou o Le Olomatamata ma le Ala Mai! pe a taunuu mai. O le faia faapea o le a maua ai se taimi e faamasani ai le ʻautalaʻi i mataupu o loo i mekasini a o leʻi ofoina atu i le auaunaga i le fanua.

◼ E ao i le ovasia taʻimua ona tofia se tasi e suʻe tusi a le faapotopotoga mo masina o Tesema, Ianuari, ma Fepuari. Aua neʻi toe faaaogāina le tagata lava lenā pe a toe suʻe tusi a le faapotopotoga i le isi taimi e sosoo ai. A maeʻa ona suʻe tusi, ia fai se faasilasilaga i le faapotopotoga pe a maeʻa ona faitau le lipoti o tupe i le isi taimi o sosoo mai ai.—Tagaʻi i Instructions for Congregation Accounting (S-27).

◼ O le matua o le tauaofiaga itumalo i le 2008 o le “Ia Taʻitaʻia e le Agaga o le Atua.” O le a saunia atu i La Tatou Faiva o le Malo o Aperila ia ni faamatalaga auʻiliʻili mo le faamautūina o au sauniuniga ina ia auai i le polokalame atoa o lenei tauaofiaga e tolu aso. Afai e manaʻomia ona talosaga i lou pule i le galuega mo se taimi ina ia mafai ona e auai i aso uma e tolu, aua le faatuai ona fai.