Le Tala e Fai Atu e Uiga i Mekasini

Le Olomatamata Tese. 1

“Po o e mātauina, e lē tutusa tagata e tusa ai ma le tulaga tumamā? [Faatali mo se tali.] Ua taʻua i lenei mau se māfuaaga e tāua ai ona tumamā. [Faitau 1 Peteru 1:16.] I lenei mekasini, o loo iai fautuaga aogā i auala e tausia ai le tumamā.” Talanoa i le mataupu o loo i le itulau e 9.

Ala Mai! Oke.-Tese.

“E tele luʻitau i le tausia aʻe o fanau, aemaise lava pe a avea i latou ma talavou ma tele suiga ua oo iai. O le ā sou manatu, o fea e maua mai ai e mātua ni fautuaga aogā i lea tulaga? [Faatali mo se tali. Ona faitau lea o le Isaia 48:17, 18.] Ua iai i lenei mekasini fautuaga ua talafeagai ma lenei taimi, e aogā i mātua ina ia gaoioi i se auala poto ma malamalama.”

Le Olomatamata Ianu. 1

“I le lalolagi atoa, e eseese lava manatu o tagata iā Maria, le tinā o Iesu. Ae o le ā sou manatu e faatatau iā te ia? [Faatali mo se tali.] Ua faaalia mai i le Tusi Paia, e tāua le vaega a Maria i le talafaasolopito o le tagata. [Faitau le Luka 1:30-32.] O loo taʻua i lenei mekasini mea e tatou te aʻoaʻoina mai iā te ia.”

Ala Mai! Ianu.-Mati

“Ua mautinoa e le toʻatele, ua lamatia lo tatou paneta ona ua faateleina le vevela o le lalolagi. Faamata o le ā se auala e foʻia ai lea tulaga? [Faatali mo se tali. Ona faitau lea o le Isaia 11:9.] O loo faamatalaina e lenei mekasini, le māfuaaga ua leai ai se masalosalo, o le a tumau pea ona avea lenei lalolagi ma nofoaga mo tagata.”