Faasilasilaga

◼ Lomiga e ofo iā Oketopa: O le Olomatamata ma le Ala Mai! Pe a faaalia le fiafia, faaali i ai le sāvali Pe E te Fia Iloa le Upu Moni? Afai ua iai se sāvali a tagata o aiga, taumafai malosi e amata ai se suʻesuʻega faale-Tusi Paia. Novema: O ā Aʻoaʻoga Moni a le Tusi Paia? Afai ua iai se tusi a le tagata o le aiga, e ono ofo i ai e le tagata talaʻi le tusi Le Ala e Maua ai le Fiafia i le Aiga.

◼ O le Faasologa o le Aʻoga o le Faiva Faatiokarate mo le tausaga atoa, o le a lē toe avatua o se faaopoopoga, o La Tatou Faiva o le Malo. Nai lo lea, o le a auina atu i faapotopotoga taʻitasi le faasologa mo le tausaga atoa, ma e ao ona faapipii se kopi o le faasologa i le laupapa o faamatalaga i le Maota mo Sauniga. O le isi kopi e tuu i le ovasia o le aʻoga e na te faaaogāina i le tofia o lauga a tagata aʻoga. O le a faaauau pea ona maua e le autalaʻi a latou kopi o La Tatou Faiva o le Malo i masina taʻitasi, ma o le a faaalia ai le faasologa mo vaiaso taʻitasi o le Suʻesuʻega Faale-Tusi Paia a le Faapotopotoga, le Aʻoga o le Faiva Faatiokarate, ma le Sauniga o le Auaunaga.

◼ O le a faia le Tauaofiaga Itumalo o Novema 2009, i le Maota o Tupulaga i Mulinuu.