Faasilasilaga

◼ Lomiga e ofo iā Aperila ma Me: Le Olomatamata ma le Ala Mai! Afai e faaalia le fiafia, ia ofo le sāvali Pe E te Fia Iloa le Upu Moni? ma taumafai e amata se suʻesuʻega faale-Tusi Paia. Pe a toe asia ē na auai i le Faamanatuga po o isi sauniga faaleagaga ae e lē o faatasitasi pea ma le faapotopotoga, ia taulaʻi atu i le amataina o suʻesuʻega e faaaogā ai le tusi Aʻoaʻoga a le Tusi Paia. Iuni: O ā Aʻoaʻoga Moni a le Tusi Paia? Taumafai e amata ni suʻesuʻega faale-Tusi Paia i le uluaʻi asiasiga. Afai ua iai se tusi a le tagata o le aiga ma e na te lē taliaina le ofo mo se suʻesuʻega faale-Tusi Paia, e ono ofo se mekasini tuai po o so o se polosiua e fiafia i ai le tagata.

◼ E ono suia le aso o le sauniga i le vaiaso a o lumanaʻi la outou tauaofiaga itumalo, ina ia autalu fautuaga ma mea e faamanatu e faatatau i le auai ai i le tauaofiaga. I se masina po o le lua masina pe a māeʻa la outou tauaofiaga, e ono faaaogā le vaega o manaʻoga o le faapotopotoga, ina ia autalu ai manatu o le tauaofiaga ua iloa e le ʻautalaʻi e aogā i le galuega talaʻi.

◼ Pe a iai ni au fuafuaga e te faimalaga e aofia ai ma le auai i se tauaofiaga itumalo i se isi atunuu, o le a e maua faamatalaga e fesoasoani iā te oe i le tuatusi i le Initaneti, o le jw.org Web site, i le vaega o le “Conventions” i lalo o le ulutala “Lookup.”