Taulimaga Faataʻitaʻi

Le Olomatamata Aokuso 1

“O loo matou asiasi i tagata ina ia fesoasoani iā i latou e onosaia se faafitauli masani. O se tasi o mea e sili ona faigatā ona tatou onosaia, o le maliu lea o sē e pele iā i tatou. Pe e te ioe i lenei manatu? [Faatali mo se tali.] Seʻi mātau le folafolaga faamāfanafanaloto lenei mai i le Tusi Paia. [Faitau le Faaaliga 21: 3, 4.] Ua saunia mai i le Tusi Paia le faamoemoe mo i tatou e faapea, e iai le aso o le a toetutū mai ai ē e pele iā i tatou ua maliliu. O loo faamatala i lenei mekasini le auala e faataunuu ai lenei faamoemoe.”

Ala Mai! Aokuso

“O loo matou faailoa atu i tagata se mataupu o loo talanoaina ai le tele o faamatalaga o loo iai i sela o o tatou tino. [Faaali i ai le pito i luma o le Ala Mai!] O le toʻatele o tagata e talitonu na teʻi lava ua iai le ola, ae o isi e manatu e iai sē na foafoaina. O le ā sou manatu? [Faatali mo se tali.] O loo faamatilatila i lenei mekasini mea na maua mai i suʻesuʻega, e faatatau i le mataʻina o le lavelave o sela, lea ua uunaʻia ai nisi o saienitisi e taumānatu pe e iai Sē na foafoaina le ola.”