Se Meafaigaluega Fou mo Saʻiliʻiliga

E faitau miliona tagata talaʻi i le lalolagi aoao, o loo faaaogā le Watch Tower Publications Index mo a latou saʻiliʻiliga. Peitaʻi, ona o le matuā auʻiliʻili o faamatalaga o loo iai, e faatapulaa la le aofaʻi o gagana e maua ai. O lea, ua saunia ai le Tusi Taʻiala mo Saʻiliʻiliga a Molimau a Ieova i le pe ā ma le 170 gagana. O lomiga o loo aofia i le Tusi Taʻiala mo Saʻiliʻiliga e amata mai i le tausaga 2000 ma luma mai. E lē o lolomiina le Tusi Taʻiala mo Saʻiliʻiliga i gagana o loo maua ai le Index, ae o loo aofia i le vaega o Lomiga Faale-Tusi Paia—I LE INITANETI. E mafai foʻi ona kopi mai i le upega tafaʻilagi o le jw.org/sm. (Tagaʻi i le LOMIGA > TUSI MA POLOSIUA.) O le a fesoasoani le Tusi Taʻiala mo Saʻiliʻiliga iā te oe e saʻili ai tali o fesili faale-Tusi Paia, maua faamatalaga e faatatau i popolega o le tagata lava ia, ma sauniuni ai mataupu mo sauniga a le faapotopotoga ma le tapuaʻiga a le aiga.