E Mātaulia Kerisiano Moni i le Alofa​—Ia Teena le Manatu Faapito ma le Itaitagofie

MĀFUAAGA E TĀUA AI: Na aʻoaʻo e Iesu o le alofa e mātaulia ai ona soo. (Ioa 13:34, 35) Ina ia faaalia le alofa e pei o Keriso, e tatau ona tatou saʻili mo le lelei o isi ma teena le itaitagofie.​—1Ko 13:5.

LE AUALA E FAI AI:

• Pe a fai mai e se isi se tala po o se gaoioiga faatigā, ia faaalu se taimi e mafaufau ai i le pogai o le faafitauli, ma iʻuga e oo i ai sau gaoioiga e fai.​—Fat 19:11

• Ia manatua o i tatou uma e lē lelei atoatoa, ma e iai taimi e tatou te faia ai se tala po o se gaoioiga e toe salamō ai

• Ia vave ona faaleleia se feeseeseaʻiga

MAIMOA I LE VITIŌ IA “ALOLOFA O LE TASI I LE ISI”—IA TEENA LE MANATU FAAPITO MA LE ITAITAGOFIE, ONA TALI LEA O FESILI NEI:

• Na faapefea ona tali atu ma le lē fiafia Levi iā Toma?

• Na faapefea i le faaalu e Toma o se taimi e mafaufau ai, ona fesoasoani iā te ia e ʻalofia ai le vave ona ita?

• Na faapefea i le tali atu ma le filemu o Toma ona faafilemu ai le faafitauli?