Tutūmausalī a o Lata Mai le Iʻuga

MĀFUAAGA E TĀUA AI: Ua toeitiiti ona tutupu lea o mea mataʻina e tofotofoina ai lo tatou lototele ma le maufaatuatuaina o Ieova, i se auala e leʻi tupu muamua. O le a amata le puapuaga tele i le faaumatia o lotu sesē. (Mat 24:21; Fal 17:16, 17) A o faagasolo lenā taimi iloga, e foliga mai o le a tatou talaʻia se feʻau faafaamasinoga malosi. (Fal 16:21) O le a osofaʻia foʻi tatou e Koku o Makoku. (Esk 38:10-12, 14-16) O le a puipuia e Ieova ona tagata, e ala i le aumaia o le “taua o le aso tele o le Atua o Lē e ona le malosi uma lava.” (Fal 16:14, 16) Ina ia faamalosia lo tatou lototele e feagai ai ma nei mea o le a tutupu, e manaʻomia ona tatou tumau faamaoni i tofotofoga o le faatuatua i le taimi lenei.

LE AUALA E FAI AI:

• Lototele e tausisia tapulaa maualuluga tauamio a Ieova.​—Isa 5:20

• Faaauau ona tapuaʻi faatasi ma uso Kerisiano.​—Epe 10:24, 25

• Vave ona usitaʻia le taʻitaʻiga mai i le faalapotopotoga a Ieova.​—Epe 13:17

• Manatunatu loloto i le auala na faasaoina ai e Ieova ona tagata i aso ua mavae.​—2Pe 2:9

• Tatalo iā Ieova, ma maufaatuatuaina o ia.​—Sl 112:7, 8

MAIMOA I LE VITIŌ MEA E TUTUPU I LE LUMANAʻI E MANAʻOMIA AI LE LOTOTELE—VAAIGA PUUPUU, ONA TALI LEA O FESILI NEI:

• 

  O le ā le tofotofoga o le usiusitaʻi na fesagaʻia e ni tagata talaʻi, ina ua tuufaatasi la latou faapotopotoga ma isi faapotopotoga?

• 

  E faapefea ona tatou atiaʻe le lototele e ala i le faaalia o le usitaʻi?

• 

  Aiseā e manaʻomia ai le lototele pe a oo mai Amaketo?

• 

  O le ā se tala faale-Tusi Paia e mafai ona fesoasoani e faamalosia ai lo tatou faatuatua i le mana laveaʻi o Ieova?—2No 20:1-24